<DIV ALIGN="justify"> El Templu de Yue Fei, o como se conoz davezu en China, Templu Yuewang (chinu simplificáu: 岳王庙; chinu tradicional: 岳王廟), ye un templu construyíu n'honor de Yue Fei, un xeneral de la dinastía Song del Sur cuando la capital de China taba en Hangzhou. Los terrenos del templu atópase na fastera sur de la llomba Qinxia, al norte del Llagu del Oeste y na zona central de Hangzhou.
El templu foi construyíu en 1221, mientres la dinastía Song, pa conmemorar la llealtá y patriotismu del xeneral. El sitiu, qu'abarca'l Templu de Yue Fei, el Templu de la Llealtá y el Mausoléu de Yue Fei, foi darréu reconstruyíu delles vegaes. thumb|left|upright|Estatues de los "traidores" Qin Hui (derecha, 秦檜) y la Dama Wang (esquierda, 王氏). Ye costume que los visitantes cuspan sobre elles p'amosar el so despreciu. Alredor de la tumba puede reparase un séquitu compuestu d'estatues de piedra de caballos, tigres, oveyes y distintos personaxes a entrambos llaos. La tumba del so fíu mayor, Yue Yun, atópase unos metros al norte d'esta ente que una inscripción col lema del xeneral (que la hestoria diz que se tatuó nel llombu) ta grabada nel muriu de la parte trasera de les tumbes: "sirve a la patria con absoluta llealtá". Ente les estatues destaquen, amás de la del propiu Yue Fei, les cuatro figures de fierro, de rodíes y coles manes ataes, de los consideraos traidores a la patria que socatraron la muerte del póstumamente rehabilitáu xeneral. Les tumbes y les escultures que les acompañen tán toes dataes nel sieglu XII y fueron meticulosamente restauraes.
El templu foi reconocíu en 1961 pol Conseyu d'Estáu chinu como un monumentu nacional merecedor de proteición. El 24 de xunu de 2011, ésti y otros elementos que conformen el paisaxe cultural del Llagu del Oeste en Hangzhou fueron declaraos Patrimoniu de la Humanidá pola Unesco.
Galería
Referencies
Enllaces esternos
Templu del xeneral Yue Fei en China Travel Go (n'inglés)
Categoría:Patrimoniu de la Humanidá en China Categoría:Templos de China