Sesame Street ye una serie de televisión educativa d'Estaos Xuníos empobinada a los neños n'edá preescolar y pionera nel estándar educativu de la televisión contemporánea, combinando la educación y l'entretenimientu. Sesame Street ye bien conocida polos sos personaxes, The Muppets, marionetes creaes por Jim Henson.
La so primer emisión nos Estaos Xuníos foi'l 10 de payares de 1969 pola cadena pública National Educational Television (actual Public Broadcasting Service), llegando a un total 4.378 episodios na so temporada 37, convirtiéndolu nel programa pa neños más duraderu de tola historia de la televisión.
Carauterístiques Esti programa usa un amiestu de títeres, animación y aición qu'enseñen a los neños pequeños llectura y aritmética básiques, colores, lletres, númberos o los díes de la selmana. Tamién inclúi seiciones que se centren n'habilidaes básiques, como'l cruciar la cai con seguridá, la importancia de la hixene básica, etc. Munches de les seiciones del programa son parodies o copies d'otros programes televisivos convencionales.
Inclúin a lo llargo del programa dellos elementos d'humor menos infantiles p'animar a los adultos a ver el programa colos neños, faciéndolo asina aptu pa toles edaes.
Diversidá Ye un programa viviegamente multicultural ya intenta incluyir roles y personaxes de toa mena, incluyendo discapacitaos, nuevos y mayores y persones de diverses races, daqué llamativu pa la dómina. Mientres dalgunes de les marionetes aseméyense a les persones, otres son animales o «bisarmes» de tamaños y colores arbitrarios. El programa anima a los neños a dase cuenta de qu'hai xente de toles formes, tamaños y colores y que nun hai un 'tipu' físicu meyor qu'otru.
Caún de los títeres foi creáu pa representar una etapa o elementu específicu de la neñez temprana, y los guiones escritos pa que los personaxes reflexen el desenvolvimientu d'un neñu de determinada edá. Esto ayuda al programa a cubrir non solamente los oxetivos de deprendizaxe de distintos niveles madurativos, sinón tamién les esmoliciones, mieos ya intereses de neños y neñes de distintes edaes.
Versiones Arriendes de la retresmisión mundial del programa, empezaron a apaecer nel mundu versiones llocales afeches a les necesidaes y realidaes de cada país o rexón, siendo les primeres versiones en surdir la brasilana y la mexicana. Dalgunes d'estes versiones cuntaben colos sos propios personaxes.
Versiones nel mundu Versiones propies 1972: Plaza Sésamo, Hispanoamérica 1972: Vila Sésamo, Brasil 1973: Sesamstraßy, Alemaña 1973: Sesame Park, Canadá 1976: Sesamstraat, los Países Baxos 1978: 1, rue Sesame, Francia 1979: Iftah Yá Simsim, Kuwait 1979: Barrio Sésamo, España 1981: Svenska Sesam, Suecia 1983: Rechov Sumsum, Israel 1984: Batibot, Filipines 1986: Susam Sokağı, Turquía 1989: Rua Sésamo, Portugal 1991: Sesam Stasjon, Noruega 1996: Ulitsa Sezam, Rusia 1996: Ulica Sezamkowa, Polonia 1996: Barri Sèsam (versión doblada al catalán de la española) 1998: Rechov Sumsum y Shara'a Simsim, Israel y Territorios Palestinos 1998: Zhima Jie, China 1999: Sesame English, Taiwán, China, Italia y Polonia 2000: Takalani Sesame, Sudáfrica 2000: Alam Simsim, Exiptu 2003: Hikayat Simsim, Xordania 2004: Koche Sesame, Afganistán 2004: Sesame Street, Xapón 2005: Sisimpur, Bangladesh 2005: 5, Rue Sésame, Francia (nueva versión) 2005: Sabai Sabai Sesame, Camboya 2006: Sippuray Sumsum, Israel y Palestina 2006: Galli Galli Sim Sim, India 2007: Jalan Sesama, Indonesia 2007: Vila Sésamo, Brasil (nueva versión) 2008: Sesame Tree, Irlanda 1972: Plaza Sésamo, Hispanoamérica 1972: Vila Sésamu, Brasil 1973: Sesamstraßy, Alemaña 1973: Sesame Park, Canadá 1976: Sesamstraat, los Países Baxos 1978: 1, rue Sesame, Francia 1979: Iftah Yá Simsim, Kuwait 1979: Barriu Sésamu, España 1981: Svenska Sesam, Suecia 1983: Rechov Sumsum, Israel 1984: Batibot, Filipines 1986: Susam Sokağı, Turquía 1989: Rua Sésamu, Portugal 1991: Sesam Stasjon, Noruega 1996: Ulitsa Sezam, Rusia 1996: Ulica Sezamkowa, Polonia 1996: Barri Sèsam (versión doblada al catalán de la española) 1998: Rechov Sumsum y Shara'a Simsim, Israel y Territorios Palestinos 1998: Zhima Jie, China 1999: Sesame English, Taiwán, China, Italia y Polonia 2000: Takalani Sesame, Sudáfrica 2000: Alam Simsim, Exiptu 2003: Hikayat Simsim, Xordania 2004: Koche Sesame, Afganistán 2004: Sesame Street, Xapón 2005: Sisimpur, Bangladesh 2005: 5, Rue Sésame, Francia (nueva versión) 2005: Sabai Sabai Sesame, Camboya 2006: Sippuray Sumsum, Israel y Palestina 2006: Galli Galli Sim Sim, India 2007: Jalan Sesama, Indonesia 2007: Vila Sésamu, Brasil (nueva versión) 2008: Sesame Tree, Irlanda
Dacuando, les versiones internacionales de los programes emitieron partes que nun son consideraes aceptables en tolos países. En 2002, anuncióse que diba introducise un personaxe seropositivu en Takalani Sesame, la versión sudafricana. Esto foi consideráu crucial pa una zona onde'l sida ye una epidemia, pero la situación nun foi presentada claramente pelos medios de comunicación, y munchos albidraron de que'l personaxe sería tamién introducíu nes versiones d'otros países, llevantando un discutiniu nos EE.XX. con al respective de los fondos públicos pa unu tema tan revesosu.
En Nueva Zelanda, produzse un segmentu llocal tituláu Korero Māori (¡Vamos falar Māori!).
Doblaxes Seesamtie, Finlandia Улица Сезам, Bulgaria Boneka Sesame, Indonesia Sesam Opnist Pû, Islandia Sesamo Apriti, Italia Sezamé Otevri Se, República Checa Ulica Sezamkowa, Polonia Susam Sokağı, Turquía Taman Sesame, Malasia Barrio Sésamo, España Plaza Sésamo, Hispanoamérica Sesamstraßy, Alemaña
Llista de personaxes Big Bird Bert and Ernie Elmo Grover Cookie Monster Count von Count Kermit the Frog Twiddlebugs
Ver tamién The Muppets
Referencies
Enllaces esternos Sitiu Oficial de Sesame Street Sitiu web de Sesame Workshop Sitiu de Barriu Sésamu n'Antena 3 La Xaronca "René" presenta Manamana
Categoría:Programes de televisión infantiles Categoría:Programes de televisión empecipiaos en 1969 Categoría:Series de televisión de Disney Channel Categoría:Marionetes ficticies