La cordal Verjoyansk (; Verjoyanski jrebet), ye una cadena montascosa de más de 1.200 km de llargor asitiáu nel norte de la Rusia asiática, a entrambos llaos del círculu polar árticu y, nel centru de la Siberia Oriental.
Alministrativamente, pertenez a la república de Sajá (o Yakutia) de la Federación de Rusia.
Xeografía Esti macizu forma un gran arcu de 1.200 km ente los ríos Lena y Aldán, nel oeste, y el Yana, nel este. Nel cordal nacen munchos ríos: na aguada oriental, Sartang, Durgalach, Yana, Bytantaj y Omolóy; na aguada occidental, ríos más curtios qu'arramen cuasi toos al Lena y al Aldán.
El puntu culminante álzase, nel sur, hasta los 2.389 m.Otres fontes citen 2.480 m, como l'artículu de la Wikipedia n'inglés. L'asentamientu más importante de la rexón ye Verjoyansk, a veres del ríu Yana, qu'en 2017 cuntaba con 1.307 habitantes. Agües embaxo del Yana, a unos 60 km, atópase otru pobláu, Batagaj.
Les temperatures rexistraes más baxes en llugares davezu habitaos fueron rexistraes nesta rexón, que permanez xeneralmente cubierta so un fondu mantu de nieve la mayor parte del añu. Mientres la última glaciación el cordal tenía estensos glaciares. El paisaxe pel branu ye'l típicu de los montes alpinos.
Na rexón hai xacimientos de carbón, plata, plomu y cinc. El cordal ta allugada xusto al oeste de la unión ente la placa Euroasiática y la placa Norteamericana.
Referencies
Enllaces esternos
Verjo Categoría:Xeografía de la república de Sajá