El parllamentu francés (Parlement français) o Parllamentu de Francia ye'l cuerpu que representa'l poder llexislativu (parllamentu) del Estáu Francés.
En Francia, el parllamentu exerz gran parte del poder llexislativu y puede en parte controlar l'actividá gubernamental, según la Constitución del 4 d'ochobre de 1958. L'actual sistema parllamentariu en Francia ye bicameral y el parllamentu ta compuestu pol Senáu francés (Sénat), "Cámara alta" (chambre haute), que tien 348 cargos electos, y pola Asamblea Nacional de Francia (Assemblée nationale française), la "Cámara baxa" (chambre basse), que tien 577 diputaos. Les dos cámares tienen les sos sedes en distintos palacios: el Palaciu del Luxemburgu (palais du Luxembourg) pal Senáu y el Palaciu Bourbon (palais Bourbon) pa l'Asamblea Nacional.
Antes de 1962, el Parllamentu yera l'únicu representante de la soberanía popular. Dende esa fecha, tamién lo ye'l Xefe del Estáu, designáu mientres les eleiciones presidenciales en sufraxu universal.
Toupoderosu mientres la IIIª República y la IVª República, vio'l so poder racionalizase mientres la Vª República. Les evoluciones actuales de les instituciones tienden a volver da-y nueves prerrogativas.
Historia El Parllamentu francés como sede del poder llexislativu, nun tien de ser confundíu colos Parllamentos del Antiguu Réxime que yeren cortes de xusticia provinciales con dellos atributos políticos.
El Parllamentu, nel sentíu modernu del términu, apaeció en Francia cola Revolución cuando los diputaos del Tercer Estáu nos Estaos Xenerales de 1789 constituyir n'Asamblea Nacional el 17 de xunu de 1789. La so forma (unicameral, bicameral o pluricameral), los sos nomes y les sos funciones, definíes poles distintes constituciones, tuvieron formes bien distintes según los rexímenes:
Fecha Constitución Cámara alta Cámara baxa Otres cámares Xunta de les cámares Cámara única 1791 Constitución de 1791 Asamblea Llexislativa 1793 Constitución del añu I Convención Nacional 1795-1799 Constitución del añu III Conseyu de Vieyos Conseyu de los Quinientos 1799-1802 Constitución del añu VIII Senáu conservador Cuerpu llexislativu Tribunat 1802-1804 Constitución del añu X Senáu conservador Cuerpu llexislativu Tribunat 1804-1814 Constitución del añu XII Senáu conservador Cuerpu llexislativu 1814-1815 Carta de 1814 Cámara de los pares Cámara de Diputaos 1815 Carta de 1815 Cámara de los pares Cámara de los representantes 1830-1848 Carta de 1830 Cámara de los pares Cámara de Diputaos 1848-1852 Constitución francesa de 1848 Asamblea nacional llexislativa 1852-1870 Constitución de 1852 Senáu Cuerpu llexislativu Conseyu d'Estáu 1871-1875 Asamblea nacional 1875-1940 Lleis constitucionales de 1875 Senáu Cámara de los diputaos Asamblea nacional 1940-1944 Lleis constitucionales de 1940 1944-1946 Gobiernu provisional Asamblea constituyente 1946-1958 Constitución de 1946 Conseyu de la República Asamblea nacional Parllamentu dende 1958 Constitución de 1958 Senado Asamblea nacional Congresu
Referencies
Bibliografía Les Assemblées parlementaires françaises (númberu 5216) de Pascal JAN, Ed. La Documentation française (ISSN : 1763-6191) Droit public, Philippe Georges y Guy Siat, Ed. Sirey, 2004 Institutions et vie politique, dirixíu por Jean-Luc Parodi, Ed. La Documentation française, 2003
Enllaces esternos Páxina web oficial del Parllamentu francés
Francia Categoría:Política de Francia Francia Francia