Ribamontán al Monte ye un conceyu asitiáu na comarca de Trasmiera de la comunidá autónoma de Cantabria, España.

Llendes Llenda al norte con Ribamontán al Mar y Bareyo, al oeste con Marina de Cudeyo, al sur con Entrambasaguas y al este cola Hazas de Cesto, Meruelo y Solórzano.

División alministrativa El conceyu inclúi les siguientes llocalidaes nel so términu municipal: Anero, 464 habitantes en 2008 (INE). Cubes, 203 hab. Hoz de Anero (capital), 653 hab. Liermo, 25 hab. Omoño, 182 hab. Las Pilas, 53 hab. Pontones, 166 hab. Villaverde de Pontones, 334 hab.

Contestu xeográficu El paisaxe de Ribamontán al Monte ta apoderáu poles praderíes y pol ríu Pontones, que naz nel interior del conceyu. Económicamente, ta sofitáu nel sector primariu, agricultura y ganadería, ente que'l sector servicios va consolidándose firmemente con casi la metá de la población emplegada nél.

Contestu históricu El conceyu perteneció a la Xunta de Ribamontán, una de les que formaben la Merindad de Trasmiera. La posición a mediu camín ente Santander y Laredo fixo recayer nél la "capitalidad" de la merindad, y por tanto llugar de xuntes de les Xuntes Xenerales de la Merindad, concretamente nel llugar de Hoz de Anero. Como nel restu de la contorna trasmerana, Ribamontán al Monte foi trubiecu de prestixosos maestros de la cantería representantes del tardogótico, del clasicismu y del barrocu.

Patrimoniu Polo qu'a patrimoniu arqueolóxicu respecta, el xacimientu de La Garma, en Omoño, ye unu de los xacimientos prehistóricos más importantes de la Península Ibérica, pos tien restos d'actividá humana dende'l Paleolíticu Inferior hasta la Edá Media.

En cuanto al patrimoniu históricu, cabo destacar como representante del periodu góticu les ilesies de Santa María de Toraya, San Félix de Anero y Santa María de les Piles, amás d'arquiteutura civil como'l Palaciu de Arco-Agüero; el Palaciu de la Rigada, güei Santu Desiertu de San José de la Rigada (conventu de los Carmelites), o'l Palaciu de los Mazarrasa, en Villaverde de Pontones, dambos de los sieglos XVII y XVIII.

Nes pedaníes Dos son los bienes d'interés cultural d'esti conceyu: Edificiu “El Desiertu” en Hoz de Anero, con categoría de monumentu. Cueva de “La Garma” en Omoño, con categoría de zona arqueolóxica, y que forma parte del Llugar Patrimoniu de la Humanidá, llamáu Cueva d'Altamira y arte rupestre del norte d'España. Amás, cuenta con dos bienes d'interés local: Casa-palaciu de los Mazarrasa, la torre de Corina y los xardinos y Parque en Villaverde de Pontones. Palaciu de Arcó, tamién en Villaverde de Pontones. Y un Bien inventariáu, la Casona de Ceballos, cola so Capiya y portalada en Cubes.

Demografía Evolución demográfica1900 1910 1920 1930 1940 1950 1960 1970 1980 1990 2000 2007 2.132 2.111 2.273 2.552 2.771 2.873 2.514 2.358 2.144 2.141 1.991 2.065 Fonte: INE

Alministración José Luis Blanco Fomperosa (PP) foi l'alcalde del conceyu les dos últimes llexislatures (2007 y 2011). El Partíu Popular perdió la mayoría absoluta nes eleiciones municipales de 2015. Les siguientes tables amuesen los resultaos de les eleiciones municipales celebraes nel añu 2007, 2011 y 2015.Resultaos eleutorales de Ribamontán al Monte, en ElPaís Eleiciones municipales, 27 de mayu de 2007 Partíu Votos % Conceyales PP 1021 72,16 % 9 PSOE 184 13 % 1 PRC 181 12,79 % 1

Alcalde eleutu: José Luis Blanco Fomperosa (PP).Eleiciones municipales, 22 de mayu de 2011 Partíu Votos % Conceyales PP 819 58.8 % 7 PRC 351 25,2 % 3 PSOE 188 13.5 % 1

Alcalde eleutu: José Luis Blanco Fomperosa (PP).Eleiciones municipales, 24 de mayu de 2015 Partíu Votos % Conceyales PP 685 48,38 % 5 PRC 571 40,32 % 5 PSOE 140 9,89 % 1

Alcalde eleutu: Joaquín Arco Alonso (PRC).

Referencies

Enllaces esternos

Categoría:Conceyos de Cantabria