thumb|250px|Palaciu de Hermida, llugar onde se produció la xunta conocida como Pactu de Lestrobe Lestrobe ye una aldega de la parroquia de Dodro nel conceyu coruñés de Dodro, na contorna del Sar.
Según el padrón municipal (INE 2013) cuenta con 641 habitantes (312 homes, 329 muyeres), lo que supón un amenorgamientu respeuto al añu 1999, cuando tenía 665 habitantes.
Nel palaciu de Hermida, declaráu bien d'interés cultural, roblóse'l 26 de marzu de 1930 el Pactu de Lestrobe. Otra construcción civil d'interés ye'l palaciu de Lestrobe. Según el tomu correspondiente del Diccionario geográfico-estadístico-histórico de España y sus posesiones de Ultramar de Pascual Madoz, nes sos cercaníes esistía un bien acondicionáu palaciu de retiru pa los arzobispos de Santiago de Compostela.
Fiestes Fiesta de los Inxemes, l'últimu domingu del mes d'agostu y el llunes y martes siguientes.
Referencies históriques Una serie de tres documentos del sieglu IX atopaos nel Monesteriu de Oseira contienen probablemente les referencies más antigües a la villa de Lestrobe, y nellos méntase la Parroquia de Santa María de Dodro. Tamién s'indica que la población pertenecía a la parroquia de Santiago de Padrón, antes de pasar a depender de la de Santa María de Dodro, anque nun s'especifica la razón de tal cambéu.
Referencies
Categoría:Conceyos d'A Coruña Categoría:Llocalidaes de la provincia d'A Coruña Categoría:Wikipedia:Mantenimientu:Llocalidaes d'España ensin partíu xudicial