Hoyorredondo ye un conceyu d'España, na provincia d'Ávila, comunidá autónoma de Castiella y Lleón. Pertenez al partíu xudicial de Piedrahíta. Tien cinco anejos, El Castillo, La Alameda, Las Casillas, Las Casas y La Carrera. Ta asitiáu a más de 1040 metros d'altor na carretera de Piedrahíta a Béxar nel Valle de Corneja. Tien conceyu propiu,
Estensión y población Tien una superficie de 17,22 km², con una población de 95 habitantes y una densidá de 5,52 hab/km².
Demografía
Monumentos
Ilesia de La nuesa Señora de l'Asunción:
Empezada a construyir nel sieglu XVI, presenta una cabecera poligonal con una amplia nave y una robusta torre a los pies, alzada sobre un basamento predresu al que se tien accesu per una pequeña puerta con arcu de mediu puntu en forma de ferradura. Dicha torre ye anterior a la fábrica de la nave del templu qu'adosa la so mampostería sobre los sillares y moldures de la mesma.
L'amplia nave mayor tien trés grandes arco diafragmes con aires góticos. Nel interior configuren un perampliu salón pocu allumáu con panales onde perdura'l blanquiáu orixinal.
La so cubierta ye una armadura de par y nudiellu qu'afata'l almizate con llazu d'ocho y cruceta. Ente que nel so suelu entá perduren antigües sepultures. El retablu mayor y los dos llaterales son barrocos. Tien imáxenes de La nuesa Señora de l'Asunción, San Andrés, La virxe del Rosariu y San Antonio, La Doliosa y una pequeña escultura de la virxe del Pilar y un Cristu crucificáu.
Tradiciones Fiesta de l'Asunción el 15 d'agostu, la matanza, xugar a la calva y artesanía de paya y blima: realícense gorres típiques d'Ávila
Referencies
Enllaces esternos
Categoría:Conceyos de la provincia d'Ávila Categoría:Llocalidaes de la provincia d'Ávila Categoría:Wikipedia:Mantenimientu:Llocalidaes d'España ensin partíu xudicial