Pedro de Silva Cienfuegos-Jovellanos ye un abogáu, escritor y políticu asturianu que foi presidente del Principáu d'Asturies ente 1983 y 1991.
Nel añu 1975 fundó'l coleutivu Democracia Socialista, que más tarde pasaría a integrase nel Partido Socialista Popular que finalmente acabaría formando parte del PSOE en 1978. En mayu de 1983 resultó vencedor de les eleiciones n'Asturies, colo que foi nomáu Presidente del Principáu. Repitió trunfo na siguiente convocatoria, calteniéndose nel cargu hasta mayu de 1991. Esi añu retiróse de la práutica de la política activa.
Dende entós, centra la so actividá na creación lliteraria, asina como na so profesión d'abogáu. Prueba d'ello ye que collabora de forma habitual como articulista con delles publicaciones periódiques y revistes. Ganó'l premiu "La sonrisa vertical" pol so llibru de rellatos Kurt, en 1998. La so primer novela asoleyóla col nomatu de Carlos del Busto.
Obres Ensayos El regionalismo asturiano Asturias, realidad y proyecto El druida del bosque Miseria de la novedad Las fuerzas del cambio
Novela Proyecto Venus letal Kurt (XX Premiu La Sonrisa Vertical) Dona y Deva Una semana muy negra El tranvía La mosca, una historia de amor El rector
Poesía La ciudad La Luna es un instrumento de trabajo Los gestos de la tarde Las horas grises: tres miradas
Referencies
Enllaces esternos
Categoría:Políticos y polítiques de Xixón Categoría:Presidentes del Principáu d'Asturies Categoría:Diputaos y diputaes pola provincia d'Asturies Categoría:Escritores d'Asturies Categoría:Socialistes d'Asturies Categoría:Políticos y polítiques del Partíu Socialista Obreru Español Categoría:Alumnáu de la Universidá d'Uviéu