Martyn Bennett foi un músicu escocés anque nació en St. John's, Canadá. Ye una importante referencia no tocante a la fusión de música tradicional con sones electrónicos.
Entamó a tocar la gaita a los 10 años y a los 12 ganó dellos concursos de gaita n'Escocia, en categoríes infantiles. Entamaría al poco a tocar el violín y el pianu y a componer con 15 años na Escuela de Música de la Ciudá d'Edimburgu, siguió estudiando na Real Academia Escocesa de Música y Drama en 1990.
En 1993, al poco de graduase, diagnostiquen-y un cáncer nos testículos. En 1994 dexa de llau la so formación en música clásica y entama a dedaca-y más tiempu otra vegada a la música tradicional, y al poco entamó a esperimentar con sones sintéticos. Tocó nel primer pase mundial de la película Braveheart.
En 1996, asoleyó'l primer álbum que llevaría el so propiu nome. En 1998 asoleya Bothy Culture, el so trabayu más esitosu. En 2000, y nel prestíu de la so carrera, diagnostiquen-y linfoma de Hodgkin.
Muerre'l 30 de xineru de 2005, depués d'una llarga llucha col cancer.
Discografía 1996 Martyn Bennett 1998 Bothy Culture 2000 Hardland (xunto con Martin Low) 2001 Glen Lyon (con so ma, Margaret Bennett, estudiosa de la música tradicional escocesa, poniendo voz) 2003 Grit 2005 Mackay's Memoirs (cola Escuela de Música de la Ciudá d'Edimburgu)
Referencies
Enllaces esternos Web oficial
Categoría:Compositores d'Escocia Categoría:Gaiteros y gaiteres d'Escocia