Carboneras de Guadazaón ye un conceyu español de la provincia de Cuenca, na comunidá autónoma de Castiella-La Mancha.Ta allugáu na comarca de la Serranía de Cuenca.

Xeografía Atópase allugáu na zona oriental de la Sierra de Los Palancares na Serranía de Cuenca, al sureste de la capital de la provincia, Cuenca.

Etimoloxía Paez ser que la población primitivamente yera una aldega de cabañes onde vivíen los carboneros que se dedicaben a la esplotación y comercialización del carbón vexetal, llográu por aciu la combustión en fornos de la madera, d'encines principalmente, d'ende'l so nome, proveniente del llatín carbo, -onis, carbón. Otra versión más aventurera y romántica esplica que mientres el sieglu VIII, un caudiellu árabe en guerra al pasar per estes tierres amburó tou cultivu y población, d'ende'l nome de carbón yeres. El nomatu de Guadazaón ye motiváu pol pasu del ríu Guadazaón mui cerca de la población, y dióse-y pa estremala d'otres llocalidaes col mesmu nome. Dicha denominación provién del árabe "Guad" (Wad), ríu o valle, y "azaón" (as-aín), fonte, polo que la so traducción podría ser "Ríu de les Fuentes".

Alministración

Monumentos y llugares d'interés Nel so términu municipal esisten tres yacimientos arqueolóxicos correspondientes al Neolíticu:

Casa del Turrón, onde s'atoparon hachos.

Cerrito de l'Arena, onde se toparon mazos.

Cantosares, onde se toparon diversos oxetos.

Nel pasáu hubo un Conventu de Dominicos, del que se caltién la iglesia-panteón de los marqueses de Moya.

Caltiénse una ilesia consagrada a Santu Domingu de Silos que los sos antecedentes más antiguos daten del sieglu XIII anque foi remocicada hasta'l sieglu XIX, polo que caltién dellos tipos de construcción. Destaca la portada isabelina y les tres naves mudéxares. 250px|thumb|Ilesia de Santu Domingu de Silos.

Otros datos De finales de la Edá del Bronce foi topada una espada, una punta de flecha y unos puñales, catalogaos toos ellos col nome de la población. Tamién foi topada una urna d'incineración, ente diversos restos cerámicos, nuna necrópolis de la II Edá del Fierro. Tamién esisten datos rellacionaos cola cultura Cartaxinesa al atopase monedes de cecas cartaxineses na terracota de Carboneras.

Referencies

Ver tamién Llista de conceyos de Cuenca

Enllaces esternos

Categoría:Conceyos de Cuenca Categoría:Llocalidaes de la provincia de Cuenca Categoría:Wikipedia:Mantenimientu:Llocalidaes d'España ensin partíu xudicial