El Bancu Central d'Hondures ye'l principal bancu de la república d'Hondures, y carga como tal cola responsabilidá monetaria esclusiva del país.
Fundación El bancu empezó les sos actividaes el 1 de xunetu de 1950 basáu en llei nacional, y el so establecimientu dexó unificar per primer vegada so tutelar del Estáu honduranu, los diversos medios de pagu esistentes naquel momentu, y nacionalizó y centralizó l'autoridá monetaria y de creitu de la nación. La llei de creación del Bancu foi promulgada'l 3 de febreru del mesmu añu y entró a valir al cabu de 5 meses, col fin de dexar al so propietariu, l'abogáu Roberto Ramírez, regularizar la so reglamentación operativa y afaela a los cambeos. Magar el lempira yá yera de cursu llegal antes de la creación del Bancu, namái a partir d'entós la divisa pasó a tar baxu tutelar y el control estatales.
Cultura y Educación El Bancu Central d'Hondures cumple, amás del so cometíu como bancu central del país, cola función d'institución educativa en temes d'economía y finances para lo cual cunta, ente otros, con salones de conferencies allugaos na sede del Bancu.
Biblioteca El Bancu Central cuenta cola Biblioteca Roberto Ramírez fundada en 1950 y especializada en temes económiques, pa consulta pública ya investigaciones.Biblioteca BCH
Pinacoteca El Bancu cunta con una coleición de pintures de los máximos representantes nacionales d'esti arte.
Sede El Bancu Central cuenta con oficines nes ciudaes de Tegucigalpa, San Pedro Sula, La Ceiba y Choluteca.http://www.bch.hn/oficines.php
En fecha 11 d'ochobre de 2016 foi inauguráu pol presidente d'Hondures Juan Orlando Hernández, el presidente del Bancu Central, Presidente del Congresu Nacional d'Hondures y presidente de la Corte Suprema de Xusticia d'Hondures, el nuevu edificiu sede del Bancu Central d'Hondures, empezáu nel añu 2012 a un costu de US$ 60 millones de Dólares nel Centru Cívicu Gubernamental de Tegucigalpa, DC. Dichu edificiu tien una capacidá pa 1100 emplegaos.
Expresidentes Guillermo Bueso Roberto Ramírez Hugo Noé Pinu Ricardo Maduro Joest Gabriela Núñez Sandra Regina de Midence (artículu n'inglés :en:Sandra Midence) María Elena Mondragón Edwin Araque Bonilla Marlón Tábora Muñóz
Ver tamién Economía d'Hondures Lempira (moneda)
Referencies
Enllaces esternos Sitiu oficial del Bancu Central d'Hondures
Categoría:Bancos d'Hondures Categoría:Bancos centrales d'América Categoría:Economía d'Hondures Categoría:Wikipedia:Páxines con enllaces interllingüísticos