Kingkey 100 (), d'antiguo conocíu como Kingkey Finance Center Plaza, ye un rascacielos asitiáu en Shenzhen, Guangdong, China. Asítiase nel Distritu Luohu de la ciudá, zona que puede describise como'l distritu financieru.
L'edificiu, d'usu mistu, tien un altor de 442 metros y 100 plantes que contienen espaciu d'oficines y un hotel. D'estes 100 plantes, 68 son usaes pa 173 000 m² (1 862 200 ft²) d'espaciu d'oficines de clase A, 22 plantes pa un hotel de negocios de seis estrelles de 35 000 m² (376 700 ft²) y les cuatro plantes superiores alluguen un xardín y dellos restoranes. Les plantes más baxes del edificiu inclúin el centru comercial KK Mall, qu'abrió les sos puertes el 26 de payares de 2010 y contién tiendes de marques de luxu, restoranes y un supermercáu. El KK Mall tamién contién el primer cine IMAX de Shenzhen.
El St. Regis Hotel ocupa les plantes 75 a 98 de la torre principal, y abrió en setiembre de 2011.
Ye anguaño'l segundu edificiu más altu de Shenzhen, por detrás del Ping An Finance Center.
Galería
Ver tamién Rascacielos en Shenzhen Rascacielos de China Rascacielos más altos del mundu
Referencies
Enllaces esternos Kingkey 100 en CTBUH.
Categoría:Rascacielos de China Categoría:Hoteles de China