La Terminal Grand Central (GCT, de cutiu llamada como Grand Central Station o a cencielles como la Grand Central) ye una estación terminal na Cai 42 y l'Avenida Park en Midtown Manhattan na Ciudá de Nueva York. Construyida y nomada pol Ferrocarril Central de Nueva York nel apoxéu de los trenes de llarga distancia d'Estaos Xuníos, y ye la estación de trenes más grande nel mundu en númberu d'andenes: 44, con 67 víes a lo llargo de la estación. Hai dos niveles, dambos soterraños, con 41 víes nel nivel cimeru y 26 nel nivel inferior. Cuando la nueva estación del Ferrocarril de Long Island seya abierta so los niveles esistentes (vease East Side Access), la estación Grand Central va disponer d'un total 75 víes y 48 andenes. Son carauterístiques les sos bóvedes de lladriyu patentaes por Rafael Guastavino, denomináu «L'arquiteutu de Nueva York».
Sirve a los pasaxeros viaxando nel Ferrocarril Metro-North escontra los condaos de Westchester, Putnam y Dutchess nel estáu de Nueva York, y de los condaos de Fairfield y New Haven en Connecticut.
Anque dende 1913 foi llamada como la «Grand Central Terminal», munches persones siguen llamándola como la «Grand Central Station». Téunicamente, esi ye'l nome de la oficina postal que s'atopa cerca, al igual que l'antigua estación que taba nel sitiu.
Galería
Estadístiques Tamañu l'área total del terrén de la terminal Grand Central ye de 195.000 m², 53 km de víes, 44 andenes. Trenes 660 trenes del ferrocarril Metro-North.
Visitantes más de 500.000 al día ; Costu de les renovaciones 1996—98: 250 millones de dólares norteamericanos. Comerciu 103 Espaciu comercial 12.000 m² más 1.300 m² pa eventos especiales. Negociu más antiguu Restorán «Oyster Bar», apertura en 1913. Comíes diaries sirvíes 10.000 Porcentaxe de trenes puntuales 98% Artículos perdíos y atopaos 19.000 Artículu perdíu con mayor frecuencia Abrigos (más de 2.000 al añu). Permediu d'artículos devueltos Más del 60%, cerca de 98% pa ordenadores y iPods.
Intereses En delles películes sale esta emblemática estación de Nueva York. Nel cantar Telephone de la neoyorquina Lady GaGa méntase la estación cuando diz «Sometimes I feel like I live in Grand Central Station.»
Anexos Ver tamién Estación Pennsylvania Tresporte de la Ciudá de Nueva York
Referencies
Bibliografía Local News in Brief, The New York Times 29 de setiembre de 1871 páxina 8. The Grand Central Railroad Depot, Harlem Railroad, The New York Times 1 d'ochobre de 1871, páxina 6. Local News in Brief, The New York Times 1 de payares de 1871 páxina 8. Federal Writer's Project, New York City Guide, Random House Publishers, Nueva York, 1939. Fried, Frederick & Edmund V. Gillon, Jr., New York Civic Sculpture. Dover Publications, Nueva York, 1973. Reed, Henry Hope, Edmund V. Gillon, JR., Beaux-Arts Architecture in New York: A Photographic Guide, Dover Publications, Nueva York, 1988. Stern, Gilmartin & Massengale, Nueva York 1900, Rizzoli International Publications, Nueva York, 1983. O'Hara, Frank, «Grand Central», The Collected Poems of Frank O'Hara University of California Press, Los Angeles and Berkeley, 1971.
Enllaces esternos
Sitiu oficial Historia de la Grand Central Terminal - About.com Dientro del Grand Central New York Architecture Imáxenes- Grand Central Terminal Illustrated discussion of Grand Central Terminal's spatial psychology
Categoría:Estaciones de tren d'Estaos Xuníos Categoría:Wikipedia:Artículos con plantía Otros usos a páxines que nun esisten