La llista d'edificios más altos del mundu clasifica los rascacielos completaos según el so altor arquiteutónicu, el criteriu principal establecíu pol Council on Vertical Urbanism (CVU), organización internacional especializada nel estudiu y clasificación de los edificios altos.«Tall Building Criteria», The Skyscraper Center, Council on Vertical Urbanism. Consultáu'l 28 d'agostu de 2026. L'altor mídese dende'l nivel de la entrada peatonal al aire llibre significativa más baxa hasta'l puntu arquiteutónicu más altu del edificiu, incluyendo les aguyes, pero non antenes, mástiles, cartelos nin otros elementos téunicos o funcionales.
En 2026, l'edificiu más altu del mundu ye'l Burj Khalifa, en Dubái, con 828 metros d'altor arquiteutónicu, siguíu pola Torre de Shanghái, con 632 metros.«The 100 Tallest Completed Buildings in the World in 2026», The Skyscraper Center, Council on Vertical Urbanism. Consultáu'l 28 d'agostu de 2026.
Pa considerar un edificiu como completáu, el CVU establez que tien que tar coronáu tanto estructural como arquitectónicamente, tener acabáu'l revestimientu esterior y tar abiertu al usu o ser, polo menos, parcialmente habitable. Les estructures que nun son edificios habitables, como torres de telecomunicaciones o mástiles, nun formen parte d'esta clasificación.
center|thumb|750px|Comparanza del altor del Burj Khalifa con otros edificios y estructures.
Criterios de clasificación
El Council on Vertical Urbanism reconoz anguaño tres formes principales de midir l'altor d'un edificiu, toes elles tomando como puntu de partida la entrada peatonal al aire llibre significativa más baxa:
Altor arquiteutónicu: distancia hasta'l puntu arquiteutónicu más altu del edificiu. Inclúi les aguyes y otros elementos que formen parte integral del diseñu, pero esclúi antenes, cartelos, mástiles de banderes y equipamientos técnicos. Ye'l criteriu utilizáu pa establecer la clasificación oficial de los edificios más altos del mundu. Altor hasta'l pisu ocupáu más altu: distancia hasta'l nivel del suelu del pisu habitable más eleváu del edificiu. Altor hasta'l puntu más altu: distancia hasta'l puntu físicu más eleváu del edificiu, independientemente de la función o naturaleza del elementu, polo qu'inclúi antenes, mástiles y otros dispositivos técnicos.
La distinción ente elementos arquiteutónicos y técnicos ye especialmente relevante nel casu de les aguyes y les antenes. Les primeres considérense parte del diseñu permanente del edificiu y computen nel altor arquiteutónicu; les antenes, que pueden instalase, sustituyise o retirase ensin modificar sustancialmente'l diseñu del inmueble, nun computen nesta categoría.
Evolución de los criterios
L'organización responsable d'estos criterios fundóse en 1969 na Universidá de Lehigh, en Pensilvania, col nome de Joint Committee on Tall Buildings. En 1976 adoptó'l nome de Council on Tall Buildings and Urban Habitat (CTBUH), col que se convirtió nuna referencia internacional na clasificación de los rascacielos.«History», Council on Vertical Urbanism. Consultáu'l 28 d'agostu de 2026. El 6 d'ochobre de 2025 la organización pasó a denominase oficialmente Council on Vertical Urbanism (CVU), como parte d'una ampliación del so campu d'actividá hacia l'urbanismu vertical y la densidá urbana.«Scaling new heights», Council on Vertical Urbanism. Consultáu'l 28 d'agostu de 2026.
Una de les principales controversies sobre'l sistema de clasificación producióse en 1996, cuando les Torres Petronas de Kuala Lumpur superaron oficialmente a la Torre Sears de Chicago. Les aguyes de les Torres Petronas consideráronse elementos arquiteutónicos y, poro, incluyéronse nel so altor oficial, ente que les antenes de la Torre Sears nun computaron. A pesar de que la torre de Chicago tenía'l pisu ocupáu y el techu a mayor altor y algamaba un puntu máximu superior al de les Petronas si se cuntaben les antenes, el criteriu arquiteutónicu dio'l récord a les torres malaisies.Lynn S. Beedle, «Petronas Towers vs. Sears Tower Controversy», Council on Vertical Urbanism, 16 d'ochobre de 1997. Consultáu'l 28 d'agostu de 2026.
A resultes d'aquella polémica, el conseyu formalizó cuatro formes de comparar l'altor: hasta'l puntu arquiteutónicu, hasta'l pisu ocupáu más altu, hasta la cubierta y hasta'l puntu físicu más altu. En payares de 2009 eliminó la categoría d'«altor hasta la cubierta», debío a que la complexidá creciente de les formes de los rascacielos modernos facía difícil determinar de manera inequívoca qué parte podía considerase'l techu del edificiu.«CTBUH changes height criteria; Burj Dubai height increases, others decrease», Building Design + Construction, 17 de payares de 2009. Consultáu'l 28 d'agostu de 2026. Dende entós úsense les tres categoríes actuales.
Un precedente históricu conocíu foi la competición de 1929 y 1930 ente'l 40 Wall Street, entós denomináu Bank of Manhattan Building, y l'Edificiu Chrysler, dambos en Nueva York. El primeru algamó los 283 metros, pero l'arquiteutu del Chrysler, William Van Alen, diseñó una aguya metálica que se montó parcialmente nel interior del edificiu antes d'elevase hasta la so posición definitiva. Con ella, el Chrysler algamó los 319 metros y convirtióse nel edificiu más altu del mundu hasta la finalización del Empire State Building en 1931.«The Chrysler Building», The Skyscraper Museum. Consultáu'l 28 d'agostu de 2026.
Edificios más altos del mundu Esta llista clasifica los rascacielos completaos y coronaos conocíos como "Superaltos" o de categoría 3 (+350 metros d'altor) más altos del mundu. Esto según una metodoloxía estándar pa determinar l'altor de los edificios. Esto significa que s'inclúin aguyereties o pináculos y detalles arquiteutónicos, pero non mástiles nin antenes. La columna «Añu» indica l'añu en que se completó la construcción del edificiu.
SemeyaPuestuEdificiuCiudáPaísAltorPisosAñuRef.OficialAntenaÚlt. pisu frameless|100px 1 Burj Khalifa Dubái 828 m 829,8 m 585,4 m 163 2010 frameless|100px 2 Merdeka 118 Kuala Lumpur 678,9 m 680,5 m 502,8 m 118 2023 frameless|100px 3 Torre de Shanghai Shanghai 632 m 632 m 583,4 m 128 2015 4 Makkah Royal Clock Tower La Meca 601 m 601 m 494,4 m 120 2012 frameless|100px 5 Ping An Finance Center Shenzhen 599,1 m 599,1 m 555,6 m 115 2017 6 Lotte World Tower Seúl 554,5 m 555,7 m 497,6 m 123 2017 frameless|100px 7 One World Trade Center Nueva York 541,3 m 546,2 m 386,5 m 94 2014 frameless|100px 8 Guangzhou CTF Finance Centre Guangzhou 530 m 530 m 495,5 m 111 2016 frameless|100px 8 Tianjin CTF Finance Centre Tianjin 530 m 530,4 m 439,4 m 97 2019 frameless|100px 10 China Zun Beixín 527,7 m 527,7 m 515,5 m 109 2018 frameless|100px 11 Taipei 101 Taipéi 508 m 508 m 438 m 101 2004 frameless|100px 12 Shanghai World Financial Center Shanghai 492 m 494,3 m 474 m 101 2008 frameless|100px 13 International Commerce Centre Hong Kong 484 m 484 m 468,8 m 118 2010 frameless|100px 14 Wuhan Greenland Center Wuhan 475,6 m 475,6 m 467 m 101 2023 frameless|100px 15 Central Park Tower Nueva York 472,4 m 472,4 m 431,8 m 98 2020 frameless|100px 16 Lakhta Center San Petersburgu 462 m 462 m 357 m 87 2019 frameless|100px 17 Landmark 81 Ciudá Ho Chi Minh 461,2 m 469,5 m 382,6 m 81 2018 frameless|100px 18 The Exchange 106 Kuala Lumpur 453,6 m 453,6 m 405,4 m 95 2019 frameless|100px 19 Changsha IFS Tower T1 Changsha 452,1 m 452,1 m 431 m 94 2018 frameless|100px 20 Torre Petronas 1 Kuala Lumpur 451,9 m 451,9 m 375 m 88 1998 frameless|100px 20 Torre Petronas 2 Kuala Lumpur 451,9 m 451,9 m 375 m 88 1998 frameless|100px 22 Suzhou IFS Suzhou 450 m 450 m 399,1 m 95 2019 frameless|100px 22 Torre Zifeng Nanjing 450 m 450 m 316,6 m 89 2010 frameless|100px 24 Wuhan Tower Wuhan 443,1 m 443,1 m 399,2 m 88 2019 frameless|100px 25 Willis Tower Chicago 442,1 m 527 m 412,7 m 108 1974 frameless|100px 26 KK100 Shenzhen 441,8 m 441,8 m 427,1 m 100 2011 frameless|100px 27 Guangzhou International Finance Center Guangzhou 438,6 m 438,6 m 415,1 m 103 2010 frameless|100px 28 111 West 57th Street Nueva York 435,3 m 435,3 m 345,5 m 84 2021 frameless|100px 29 One Vanderbilt Nueva York 427 m 427 m 330,1 m 62 2020 frameless|100px 30 432 Park Avenue Nueva York 425,7 m 425,7 m 392,1 m 85 2015 frameless|100px 31 Marina 101 Dubái 425 m 425 m 370,9 m 101 2017 frameless|100px 32 Trump Tower Chicago Chicago 423,2 m 423,2 m 340,1 m 98 2009 frameless|100px 33 JPMorganChase Tower Nueva York 423,1 m 423,1 m 372,9 m 61 2025 frameless|100px 34 Minying International Trade Center T2 Dongguan 422,6 m 422,6 m 384,8 m 85 2021 frameless|100px 35 Jin Mao Tower Shanghai 420,5 m 420,5 m 348,4 m 88 1999 36 Zijin Financial Building Nanjing 416,6 m 416,6 m — 88 2025 frameless|100px 37 Princess Tower Dubái 413,4 m 414 m 356,9 m 101 2012 frameless|100px 38 Al Hamra Tower Ciudá de Kuwait 412,6 m 412,6 m 351,2 m 80 2011 frameless|100px 39 Two International Finance Centre Hong Kong 412 m 412 m 387,6 m 88 2003 frameless|100px 40 LCT The Sharp Landmark Tower Busan 411,6 m 411,6 m 384 m 101 2019 frameless|100px 41 Ningbo Center Tower 1 Ningbo 409 m 409 m 370,5 m 80 2025 frameless|100px 42 Guangxi China Resources Tower Nanning 402,7 m 402,7 m 374,3 m 86 2020 frameless|100px 43 Guiyang International Financial Center T1 Guiyang 401 m 401 m 368,1 m 79 2020 frameless|100px 44 Iconic Tower El Cairu 393,8 m 393,8 m 360,2 m 77 2024 frameless|100px 45 China Merchants Bank Global Headquarters Main Tower Shenzhen 393 m 393 m 364,6 m 77 2025 frameless|100px 46 China Resources Tower Shenzhen 392,5 m 392,5 m 345 m 68 2018 frameless|100px 47 23 Marina Dubái 392,4 m 392,4 m 313,5 m 88 2012 frameless|100px 48 CITIC Plaza Guangzhou 390,2 m 390,2 m 296,9 m 80 1996 frameless|100px 49 CITYMARK CENTRE Shenzhen 388,3 m 388,3 m 331,8 m 70 2022 frameless|100px 50 Shum Yip Upperhills Tower 1 Shenzhen 388,1 m 388,1 m 379,1 m 80 2020
Edificios d'entre 300 y 349,9 metros Esta llista clasifica los rascacielos completaos que tienen un altor arquiteutónicu d'ente 300 y menos de 350 metros, siguiendo los criterios del Council on Vertical Urbanism (CVU, anteriormente Council on Tall Buildings and Urban Habitat, CTBUH). Un edificiu considérase completáu cuando ta estructural y arquiteutónicamente coronáu, completamente revistíu y abiertu al usu o, polo menos, parcialmente ocupable. El CVU considera supertall los edificios de 300 metros o más y menos de 600 metros; nesta tabla recuéyese namái'l tramu inferior a 350 metros.