El Shinkansen E5 ye un modelu de la red ferroviaria d'alta velocidá Shinkansen perteneciente a la JR East Company qu'opera nos servicios Tohoku Hayabusa Shin-Aomori dende marzu de 2011.
La primer unidá de la serie E5 que pudo vese foi la S11 de pre-producción, que foi apurrida en 2009 y que JR East utilizó pa faer pruebes na llinia Tohoku, p'asegurase que tou funcionaría a la perfeición pa cuando les unidaes de producción entraren en serviciu. Esta unidá de pre-producción foi fabricada por Hitachi, que s'encargó de los coches 1 al 5 y por Kawasaki Heavy Industries, que s'encargó de los coches 6 al 10.
Diseñu El Shinkansen E5, xunto col E6, son los trenes resultantes derivaos de los esperimentales Fastech 360 S y Z.
Dambos fueron diseñaos por Pininfarina al traviés de la supervisión de Ken Okuyama.
Carauterístiques Testeru aerodinámicu de 15 metros de llargor qu'amenorga'l ruíu a la entrada de túneles y les vibraciones nel tren.
Bogies totalmente cubiertos qu'ayuden a amenorgar el ruíu de rodadura con materiales fonoabsorbentes y cubiertes qu'esisten ente coches, de forma que'l llateral del tren presenta una superficie aerodinámicamente llisa a la meyora.
La serie E5 tamién cunta con delles innovaciones teunolóxiques como un sistema de suspensión activa p'ameyorar el comfort del viaxe, amás d'un sistema de pendulación.
Referencies
Ver tamién Llista de trenes d'alta velocidá Shinkansen E6
Enllaces esternos
Categoría:Ferrocarril en Xapón Categoría:Tresporte d'Asia Categoría:East Japan Railway Company