Félix III foi'l Papa nᵘ 48 de la Ilesia católica de 483 a 492.Coleman, Ambrose. "Pope St. Felix III." The Catholic Encyclopedia. Vol. 6. New York: Robert Appleton Company, 1909. 6 Apr. 2013
Perteneciente a la familia senatorial romana Anicia,Josef Gelmi, I papi, Rizzoli, Milano, 1987 esti aristócrata yera fíu d'un sacerdote y tuvo casáu, siendo padre de dos fíos, antes de ser escoyíu p'asoceder a Simplicio na siella de San Pedro. La so familia va apurrir nel futuru otros dos papes, Agapito I y Gregorio I.R.A. Markus, Gregory the Great and his world (Cambridge: University Press, 1997), p. 8
Escoyíu pontífiz gracies al sofitu del rei xermanu Odoacro, el so primer actu foi negar el "Henotikon" o "actu d'unión", un edictu que l'emperador bizantín Zenón promulgara en 482 nel qu'intentaba llegar a una solución de compromisu ente'l monofisismu y la doctrina considerada ortodoxa emanada del Conceyu de Calcedonia.
De siguío unvió una delegación de dos obispos a Constantinopla pa intentar convencer al inspirador del citáu edictu, el patriarca Acacio, por que lo refugara y por que anulara'l nomamientu de patriarca d'Alexandría, el monofisita Pedro'l Notariu, quien ocupara dicha see patriarcal tres la deposición del anterior patriarca, más cercanu a los postulaos romanos.
Acacio non yá nun arrenunció a la so doctrina nin anuló'l nomamientu, sinón que llogró atraer a los mesmos legaos pontificios a los sos postulaos doctrinales. Félix III convocó en respuesta un conceyu que, en 484, escomulgó al patriarca Acacio, quien de la mesma respondió borrando'l nome del papa de los dípticos llitúrxicos lo qu'equival a la escomunión del pontífiz. Empecípiase asina'l Cisma acaciano que va estremar la Ilesia mientres los siguientes 35 años.
A pesar del so enfrentamientu con Constantinopla, Félix llega a un alcuerdu col emperador Zenón pa llograr que los vándalos arrianu punxeren fin a les persecuciones contra los cristianos fieles a Roma nel norte d'África. Surde entós el problema de qué tratamientu dar a los que se convirtieron al arrianismu por cuenta de diches persecuciones y agora deseyen volver a la ortodoxa. Félix convoca un sínodu en 487 nel que s'afiten les condiciones en que se dexa la torna d'estos cristianos a la Ilesia romana.
Finó'l 1 de marzu de 492.
Referencies
Enllaces esternos
Obres
Categoría:Papes Categoría:Papes santos Categoría:Santos y santes de la Ilesia católica Categoría:Persones de la Roma antigua Categoría:Gens Anicia