Gertrude Himmelfarb , tamién conocida como Bea Kristol, ye una historiadora d'Estaos Xuníos especializada na sociedá y cultura de la Edá Contemporánea, considerada autoridá en historia de les idees y la Dómina victoriana.
Graduada nel Brooklyn College (1942) y doctora pola University of Chicago (1950). Tamién estudió nel Seminariu Teolóxicu Xudíu de Nueva York y nel Girton College de la Cambridge University. En 1942 casóse con Irving Kristol, el padrín del neoconservadurismu, col que tuvo dos fíos: Elizabeth Nelson y William Kristol, comentarista políticu y editor del The Weekly Standard. El so hermanu pequeñu, Milton Himmelfarb, foi un destacáu escritor sobre temes xudíes.
Na actualidá ye Professor Emeritus de la Graduate School de la Universidá de la Ciudá de Nueva York. Recibió ensame de premios y graos honoríficos. Foi miembru del Council of Scholars of the Library of Congress (Biblioteca del Congresu), el Council of Academic Advisors del American Enterprise Institute, y el Council of the National Endowment for the Humanities. Ye miembru de la British Academy y de l'American Academy of Arts and Sciences. En 1991 exerció la Jefferson Lecture so los auspicios del National Endowment for the Humanities, y en 2004 recibió la National Humanities Medal dada pol presidente de los Estaos Xuníos.
Anque-y la suel indentificar como conservadora, nel Reinu Xuníu ye almirada particularmente por Gordon Brown, primer ministru y líder del Labour Party quien la cita frecuentemente nos sos discursos y encamienta los sos llibros. La so introducción a la edición británica de Roads to Modernity, de 2008, empieza diciendo: Dende va tiempu almiro la obra histórica de Gertrude Himmelfarbsobremanera'l so amor a la historia de les idees, y el so trabayu acompañóme desque yo yera estudiante d'historia na Universidá d'Edimburgu.
Obres Lord Acton: A Study of Conscience and Politics (1952) Darwin and the Darwinian Revolution (1959) Victorian Minds (1968) On Liberty and Liberalism: The Case of John Stuart Mill (1974) The Idea of Poverty: England in the Early Industrial Age (1984) Marriage and Morals Among the Victorians (1986) The New History and the Old (1987) Poverty and Compassion: The Moral Imagination of the Late Victorians (1991) On Looking into the Abyss: Untimely Thoughts on Culture and Society (1994) The De-Moralization of Society: From Victorian Virtues to Modern Values (1995) One Nation, Two Cultures (2001) The Roads to Modernity: The British, French, and American Enlightenments (2004) The Moral Imagination: From Edmund Burke to Lionel Trilling (2006) The Jewish Odyssey of George Eliot (2009)
Referencies
Enllaces esternos
Categoría:Historiadores d'Estaos Xuníos Categoría:Neoconservadurismu Categoría:Medaya Nacional d'Humanidaes