Sandra Raluca Izbașa ye una ximnasta rumana ganadora de la medaya d'oru en suelu nos Xuegos Olímpicos de Beixín 2008, onde tamién foi bronce na competición por equipos y campeona en saltu nos Xuegos Olímpicos de Londres 2012, dexando en segundu llugar a la gran favorita y campeona mundial McKayla Maroney. Amás de llograr la medaya de bronce por equipos.
Empezó a prauticar la ximnasia con solu cuatro años, nel CSA Steaua de Bucarest. En 2002 entró a formar parte del equipu nacional rumanu, y en 2003 debutó internacionalmente nel Campeonatu Européu de la categoría Junior, ganando una medaya de plata en suelu, el so meyor aparatu.
En 2006 debutó como ximnasta en categoría senior, siendo una de les grandes revelaciones d'esi añu, yá que ganó tres medayes (oru en suelu, plata por equipos y bronce en barra d'equilibrios) nos Campeonatos Europeos de Volos y dos (bronce na xeneral individual y plata en barra d'equilibrios) nos Campeonatos Mundiales de Aarhus d'esi mesmu añu.
Nos Xuegos Olímpicos de Beixín 2008 yera una de les principales figures del equipu rumnano, al pie de Steliana Nistor. Na competición por equipos Rumanía consiguió la medaya de bronce, por detrás de China (oru) y Estaos Xuníos (plata)
Izbașa clasificóse p'apostar la final xeneral individual y la final de suelu. Na final xeneral individual concluyó n'octava posición con una puntuación total de 60.750
Na final de suelu, Sandra Izbașa llogró una puntuación de 15.650 que lu sirvió pa llograr la medaya d'oru, per delantre de les americanes Shawn Johnson (plata con 15.500) y Nastia Liukin (bronce con 15.425)
Mide 1.64 m. y pesa 51 kg.
Resultancos AñuCompeticiónLlugarResultáu2006Campeonatu d'Europa Volos 1ª en Suelu2ª por Equipos3ª en Barra7ª en Saltu2006Campeonatu del Mundu Aarhus 2ª en Barra3ª n'Individual4ª por Equipos6ª en Suelu8ª en Saltu2007Campeonatu d'Europa Ámsterdam 2ª n'Individual2ª en Barra8ª en Suelu8ª en Saltu2007Campeonatu del Mundu Stuttgart 3ª por Equipos8ª en Suelu 9ª n'Individual2007Campeonatu d'Europa Clermont 1ª por Equipos1ª en Suelu2ª en Barra2008Xuegos Olímpicos Beixín 1ª en Suelu3ª por Equipos8ª n'Individual2012Xuegos Olímpicos Londres 1ª en Saltu3ª por Equipos5ª n'Individual
Referencies
Enllaces esternos
Categoría:Wikipedia:Mantenimientu:Persones ensin plantía NF Categoría:Persones de Bucarest