Leonor d'Aragón infanta aragonesa, reina de Portugal pol so matrimoniu con Eduardo I de Portugal y rexente mientres parte de la minoría d'edá del so fíu Alfonso.

Oríxenes familiares Foi fía del rei Fernandu I d'Aragón y de Leonor de Alburquerque, condesa de Alburquerque. Per vía de la so madre yera nieta de Beatriz de Portugal y, por tanto, bisnieta del rei Pedro I de Portugal ya Inés de Castro. Tuvo cinco hermanos y una hermana: Alfonso, María, Juan, Enrique, Sancho y Pedro.

Vida En 1428 casó col herederu del tronu portugués, Eduardo, y foi reina consorte de Portugal dende l'ascensión d'Eduardo al tronu en 1433 hasta la muerte d'ésti en 1438. Alcordaron les bodes el so hermanu Alfonso y Pedro de Noronha, arzobispu de Lisboa y fíu del conde Alfonso de Noreña. Según les cróniques:

Con esti enllaz roblábase l'alianza de los infantes d'Aragón colos infantes de Portugal contra'l rei de Castiella y los que llevaben el cargu del gobiernu de la so persona y estáu (o, lo que ye lo mesmo, contra'l condestable Álvaro de Luna). Al pasu del séquitu de la infanta camino de Portugal per Valladolid, onde moraba la corte nesi momentu, celebráronse xustes y corrieron llances con notable rellumanza y parabuxel n'honor al acontecimientu hasta que se reemprendió la marcha'l 21 de xunetu de 1428.

Rexencia y últimos años Tres la muerte del so maríu'l rei Eduardo, foi designada poles Cortes de Torres Novas de 1438 rexente del reinu mientres la minoría del primoxénitu y herederu, Alfonso, que nesi momentu tenía apenes seis años. Esti fechu provocó rocees nos grandes del reinu, quien formaron un partíu en redol al infante Pedro, al que atribuian meyor derechu pa exercer la rexencia. Nes Cortes de Lisboa de 1439, Leonor foi obligada a abandonar el cargu de rexente del reinu, que-y foi encamentáu a Pedro de Portugal, tíu del neñu. derecha|miniaturadeimagen|Sepulcru de los reis Eduardo I de Portugal y Leonor d'Aragón nel Monesteriu de Batalha Leonor #retirar a Castiella y finó nel monesteriu de Santu Domingo'l Real de Toledo'l 19 de febreru de 1445, envelenada —d'acordies con Jerónimo de Zurita— pol Condestable de Castiella. Recibió sepultura nel conventu de Santa María da Vitoria en Batalha.

Matrimoniu y descendencia Del so matrimoniu col rei Eduardo nacieron dellos fíos, anque solamente los siguientes llegaron a la adultez: Alfonso, que reinaría en Portugal col nome d'Alfonso V; Fernando, padre del rei Manuel I de Portugal; Leonor, esposa del emperador Federico III d'Habsburgu; Catalina, relixosa y escritora Juana, segunda esposa d'Enrique IV de Castiella.

Referencies

Bibliografía Arco y Garay, Ricardo del (1945). Madrid: #Instituto Jerónimo Zurita. Conseyu Cimeru d'Investigaciones Científiques.   

Pina, Ruy de (1790). «Chronica do Senhor Rei dom Affonso V». Tomu 1. Lisboa: Academia Real das Sciencias. 

Zurita, Jerónimo (1998). #Institución Fernando'l Católicu (C.S.I.C.), ed. Madrid. Categoría:Persones finaes en 1449 Categoría:Wikipedia:Mantenimientu:Persones ensin plantía NF