Glyn Ebwy ye una población allugada nun estremu del valle formáu pol Ebbw Fawr tributariu del ríu Ebbw en Gales. Ye la mayor población y centru alministrativu del borough de condáu de Blaenau Gwent. La zona urbana de Ebbw Valey y suburbana de Brynmawr tien en xunto una población d'unos 33,000 habitantes. Tien accesu direutu a la carretera A465 y bordia el Parque nacional Brecon Beacons.
Empiezos Esiste evidencia qu'indica la presencia d'humanos na zona dende hai enforma tiempu.
Y Domen Fawr ye un túmulu mortuorio de la Edá del Bronce allugáu próximu al pobláu y en Cefn Manmoel atópase un finxu de demarcación que podría remontase al neolíticu o a la Edá Media. En tiempos relativamente modernos yera una zona rural tranquila de Monmouthshire. Magar a empiezos del sieglu XVIII solo cuntaba con 120 habitantes tou la zona de Ebbw Vale sufrió un importante tresformamientu mientres la Revolución industrial.
Manufactura del aceru thumb|left|Ebbw Vale Steelworks en 1969, pa esta dómina yá yera propiedá de British Steel Corporation. En 1778 empezó a operar l'acería Ebbw Vale Iron Works, que darréu se tresformó en Ebbw Vale Steelworks, a lo que se sumó una serie de mines de carbón que s'establecieron hacia 1790. Les víes de ferrocarril del Stockton and Darlington Railway fueron fabricaes en Ebbw Vale en 1829.
Nel so puntu de mayor actividá (décades de 1930 — 1940) les aceríes en Ebbw Vale yeren les más grandes d'Europa, anque por fortuna nun atraxo l'atención d elos bombarderos alemanes mientres la Segunda Guerra Mundial. Na década de 1960 les mesmes emplegaben 14,500 persones. A fines del sieglu XX la industria del aceru colapsó en Gran Bretaña. Una fuelga en 1980 disparó'l zarru de numberosos establecimientos y el despidu de personal de munches de les plantes más antigües. Pa empiezos del 2002 solo 450 persones permanecíen emplegaes na industria del aceru en Ebbw Vale, y en xunetu d'esi añu cerró la última fábrica que permanecía n'operación. Na actualidá nun hai aceríes nin mines de carbón operativu na zona.
Referencies
Enllaces esternos
Categoría:Llocalidaes de Gales