Cartagena de Indias ye una ciudá del norte de Colombia. Asitiada na costa del mar Caribe, ye la capital del departamentu de Bolívar, na Rexón Caribe, de la que ye, colos sos 971.592 habitantes (2016), la segunda mayor ciudá dempués de Barranquilla. El so área metropolitana ye la quinta aglomeración urbana del país, y nella concéntrense les sos principales actividaes económiques, vinculaes al sector marítimu y petroquímicu, amás del turismu.
La ciudá foi fundada el 1 de xunu de 1533, y recibió'l so nome del de la ciudá española homónima. Sicasí, hai restos de poblaciones aboríxenes na zona la badea dende l'añu 4000 e.C. Demientres el periodu colonial la ciudá foi un llugar perimportante pa l'alministración y la espansión del Imperiu español, como centru importante de poder políticu, económicu y eclesiásticuGrahn, L.R., "Cartagena" na Encyclopedia of Latin American History and Culture, vol. 1, p 582. Nueva York: Charles Scribner's Sons, 1996. p. 582. . La so posición estratéxica, equidistante ente la desembocadura de los ríos Magdalena y Sinú, y les condiciones naturales del so puertu, fácilmente defendible de los ataques pirates, convirtiéronla nel puertu de salida de los convoyes que carretaben pa España la plata del Altu Perú y los que trayíen esclavos africanos. En 1984 la UNESCO declaró Patrimoniu de la Humanidá la so ciudá amurallada y la so fortaleza.
Referencies
Enllaces esternos
Categoría:Llocalidaes de Colombia