José María Velasco Álvarez , conocíu como Chuché, foi un futbolista y darréu presidente del Real Uviéu.
Xugador Formó parte de la primer plantía del Real Uviéu tres la so fundación na temporada 1926-27. Esi añu l'entrenador Fred Pentland dio-y la oportunidá de xugar como estremu derecha.
Llegó a tar escoyíu para l'equipu nacional, pero nun llegó a debutar. La so carrera atayóse bien llueu, a los 20 años, al sufrir una grave lesión de meniscu.
Presidente Foi presidente del club en trés vegaes distintes. La primera dende mayu de 1961, primero como presidente d'una xunta xestora y dempués yá como presidente efectivu, hasta avientu de 1964; la segunda dende xunetu de 1965 hasta febreru de 1967 y la tercera dende xunetu de 1972 hasta xunetu de 1977.
Mientres el so últimu mandatu, fichó a Vicente Miera, que consiguió'l primeru de los dos ascensos que llogró col Real Uviéu.
Ver tamién Presidentes del Real Uviéu
Bibliografía De Fozaneldi al Parque del Oeste. 80 años de fútbol n'Uviéu. La Nueva España. 2001.
Referencies
Enllaces esternos
Categoría:Futbolistes d'Asturies Categoría:Presidentes del Real Uviéu Categoría:Persones d'Ayer