Alba Vergés i Bosch ye una economista y política española, diputada nel Parllamentu de Cataluña nes llexislatures X, XI y XII. Biografía Llicenciada n'Economía pola Universidá de Barcelona y Inxeniería téunica n'informática de xestión pola Universidá Abierta de Cataluña.
Trabayó como programadora nel sector de les teunoloxíes de la información y de la comunicación y como responsable d'alministración, contabilidá y finances del Consorciu Sociosanitariu d'Igualada.
Militante d'Esquerra Republicana de Cataluña dende 2011 dempués de dir como númberu 3 de la llista a les eleiciones municipales d'Igualada.
Ye presidenta de la seición local d'Esquerra Republicana de Cataluña d'Igualada dende 2012, Secretaria de Salú, Bienestar y Ciudadanía d'Esquerra Republicana de Cataluña y miembru de l'Asamblea Nacional Catalana.
Diputada en X llexislatura autonómica de Cataluña por Esquerra Republicana de Cataluña y na XI llexislatura autonómica de Cataluña por Junts pel Síonde foi nomada Presidenta de la Comisión de Salú del Parllamentu de Cataluña y de la Comisión d'Investigación sobre la Operación Cataluña,presunta operación llevada a cabu por un grupu informal y secretu del Cuerpu Nacional de Policía que realizaron un sistemáticu llabor d'investigación de los principales dirixentes del soberanismu catalán, coles mires de desacreditarles ante la opinión pública.
Foi escoyida diputada nes Eleiciones al Parllamentu de Cataluña de 2017 onde diba como númberu 6 de la circunscripción de Barcelona pola coalición eleutoral Esquerra Republicana de Catalunya-Catalunya Sí y Secretaria Cuarta de la Mesa del Parllamentu de Cataluña.
Referencies
Categoría:Diputaos y diputaes del Parllamentu de Cataluña Categoría:Políticos y polítiques de Esquerra Republicana de Catalunya