El faru de Lluces ta asitiáu na aldea de Lluces, parroquia de Llastres, conceyu de Colunga, Principáu d'Asturies, na meseta del cabu de Llastres.
Historia En funcionamientu dende 1993, ye l'últimu faru construyíu n'Asturies. En setiembre de 2001 instalóse una nueva óptica, p'algamar la carauterística actual de 5 destellos blancos cada 25 segundos.
El faru alcuéntrase nun tarrén de 1200 metros cuadraos, zarráu con muria de piedra y alambrada metálica. Trátase d'un edificiu de mampostería de planta cuadrada nel centru del que naz una torre cilíndrica blanca. L'altura sobre'l nivel del mar ye de 117 metros y de 15 metros sobre'l terrén.
El so algame ye de 23 milles marines y les sos coordenaes son: 43º32,029 N y 05º18,042 W.
Bibliografía Menéndez Solar, Belén, Faros del litoral asturiano. Uviéu, Conseyería de Fomentu del Principáu d'Asturies, 1997. Sanz, Eduardo, Faros de Asturias. Xixón, Silverio Cañada Editor, 1990.
Referencies
Enllaces esternos
El faru na web de turismu del Conceyu de Colunga Faru de Lluces en Faros de Asturias
Categoría:Faros d'Asturies Categoría:Colunga