Judah Folkman foi un biólogu, oncólogu y profesor universitariu d'Estaos Xuníos.
Biografía Nació na ciudá de Cleveland, nel estáu norteamericanu d'Ohio, en 1933, llicencióse en medicina por Universidá del Estáu d'Ohio y, poteriormente, pola Escuela Médica de Harvard en 1957. Tres la so graduación trabayó nel Hospital Xeneral de Massachusetts, onde consiguió'l rangu de xefe de residentes de ciruxía.
Ente 1960 y 1962, Folkman sirvió na Armada de los Estaos Xuníos (U.S. Navy n'inglés), onde estudió la crecedera de los vasos sanguíneos. En 1971 publicó un artículu na revista médica New England Journal of Medicine nel cual afirmaba que tolos tumores canceríxenos dependen de l'angiogénesis, que ye'l procesu pol que los tumores formen un sistema vascular propiu que -yos pemite nutrise y siguir col so desenvolvimientu posterior, una de les temes d'estudiu más importantes na llucha contra'l cáncer. A pesar de que primero nun cuntó col sofitu de los sos colegues, dempués de dellos años nos que siguió colos sos estudios sobre la tema, la so teoría paso a ser llargamente aceptada.
Tuvo consideráu como'l mayor espertu y fundador del campu de l'angiogénesis, enfoque que tien un gran potencial nel tratamientu del cáncer. Ente'l so alumnos atoparon personalidaes de la medicina y de la inxeniería biomédica como Donald Ingber y Robert Langer.
Hasta los sos últimos años n'actividá, el doctor Folkman foi profesor de Bioloxía Celular na Escuela Médica de Harvard y dirixó'l departamentu d'investigación quirúrxica del Children's Hospital de Boston.
En 2004 foi gallardoniáu col Premiu Príncipe d'Asturies d'Investigación Científica y Téunica, xunto con Tony Hunter, Joan Massagué Solé, Bert Vogelstein y Robert Weinberg, por los sos estudios del sistema vascular que se desenvuelven nos tumores, una de les principales bases pal tratamientu n'oncoloxía.
Referencies
Enllaces esternos vanguardia-de-la lucha-contra-el-cancer/ Fundación Príncipe d'Asturies, Premiu Príncipe d'Asturies d'Investigación Científica y Téunica 2004
Categoría:Biólogos y biólogues d'Estaos Xuníos Categoría:Oncólogos d'Estaos Xuníos Categoría:Premiu Princesa d'Asturies d'Investigación Científica y Téunica Categoría:Premiu Wolf en Medicina Categoría:Persones de Cleveland Categoría:Premiu Internacional Canadá Gairdner