Abdullah bin Nasser Al Thani () ye un xeque procedente de Qatar, pariente del emir d'esi país, Tamim Al Thani y, poro, miembru de la familia real. Dende xunu de 2010 ye accionista y presidente del Málaga Club de Fútbol, S. A. D..
Carrera profesional Estudió Xestión y Alministración d'Empreses y Derechu n'Exiptu y dedícase al mundu de los negocios participando na xestión y como accionista de numberoses empreses al traviés de les cualos ta presente en más de trenta países y emplega alredor de trés mil trabayadores, amás de formar parte del gobiernu del so país. Ente les compañíes pa les que trabaya atópase'l Bancu de Doḥa, cadenes hoteleres, centros comerciales, la empresa de telefonía móvil PhoneSat, axencies de viaxes, tiendes de moda y d'electrónica de consumu como Nasir Ben Abdullah and Sons Trading, concesionarios d'automóviles y camiones, ente otres. Participa n'actividaes benéfiques y realiza ayudes económiques en diversos campos. Ente les sos aficiones cunten la del fútbol; los caballos de carrera (tien la caballería Al Naif Stud); y los coches de luxu. Amás de la so xestión nel Málaga Club de Fútbol, ye sociu honoríficu del club qatarín Al-Rayyan, que cunta con seiciones de fútbol, baloncestu, balonmano, vóleibol y tenis de mesa.
Referencies
Enllaces esternos
Categoría:Empresarios y empresaries de Qatar Categoría:Persones de Doḥa