Daniela Samulski , foi una nadadora alemana, especialista n'estilu llibre y llombu (50 y 100 m).
Biografía deportiva Nel Campeonatu del Mundu de natación, celebráu en Roma 2009, foi subcampeona mundial en 50 m llombu con un tiempu de 27,23 s; llogró la medaya de plata nel relevu 4 x 100 llibre como parte del equipu alemán integráu amás por Britta Stteffen, Petra Dallmann y Daniela Schreiber; y medaya de bronce nel relevu 4 x 100 combináu integráu amás por Britta Steffen, Annika Mehlhorn y Sarah Poewe.
Foi dos veces campeona d'Europa: en 2010 col relevu de 4x100 metros y en 2006 col relevu de 4x200 metros. Hasta'l día del so fallecimientu, tenía'l récor alemán de 50 y 100 metros.
Finó, por causa de un cáncer, el martes 22 de mayu de 2018, dexando dos neños pequeños.
Referencies
Enllaces esternos
Categoría:Nadadores d'Alemaña Categoría:Deportistes nos Xuegos Olímpicos de Sydney 2000 Categoría:Deportistes nos Xuegos Olímpicos de Beixín 2008 Categoría:Persones de Berlín