Choi Eun-hee (n'idioma coreanu: 최은희; Gwangju, 20 de payares de 1926-Gangseo, 16 d'abril de 2018) foi una actriz surcoreana. Mientres venti años tuvo considerada una de les estrelles más importantes del cine coreanu. Debutó en 1947 en A New Oath
Acordies con IMDb actuó n'ochenta y un películes ente 1955 a 1985. En 1985 foi premiada a la Meyor Actriz nel XIV Festival Internacional de Cine en Moscú pola película Sogum.
Secuestru poles autoridaes norcoreanes
Tuvo casada col cineasta Shin Sang-ok hasta poco primero de 1978, del que divorcióse por causa de una infidelidá. Aquel añu la pareya foi secuestrada en Ḥong Kong. Primeramente secuestraron a Choi Eun-hee. Shin, desesperáu por saber qué fuera de la so ex-muyer, siguió'l rastru de Choi ata Ḥong Kong, au tamién acabaríen secuestrándolu. Lleváronlos a Corea del Norte por órdenes del dictador Kim Jong-il col oxetivu que que rodaren producciones propagandístiques nes que Choi fora la protagonista.
Poco dempués d'acceder a les demandes del máximu dirixente, dambos volvieron casase forzosamente en 1983. En 1986 aprovecharon que s'atopaben en Viena, Austria pa desertar y pidir asilu políticu na embaxada d'Estaos Xuníos.
Xunto con Shin escribió unes memories sobre los años que pasó en Pyong Yang, la capital norcoreana.
En 2015 Paul Fisher espublizó la biografía de la so vida n'inglés titulada: A Kim Jong-Il Production: The Extraordinary True Story of a Kidnapped Filmmaker, y en 2016 Robert Cannan y Ross Adam presentaron nel Sundance Film Festival el documental: The Lovers and the Despot.
Bibliografía
Referencies
Enllaces esternos
Inside the mind of Kim Jong-il, BBC, July 21, 2003, retrieved January 29, 2006 Kidnapped by North Korea, Mike Thomson, BBC, March 5, 2003, retrieved January 29, 2006
Categoría:Actores y actrices de Corea del Sur Categoría:Wikipedia:Mantenimientu:Persones ensin plantía nym