thumb|Como s'amuesa nesta reproducción d'un sismograma, les ondes P rexístrense primero que les ondes S: el tiempu trescurríu ente dambos intres ye Δt. Esti valor y el de l'amplitú máxima (A) de les ondes S, dexáron-y a Charles Francis Richter calcular la magnitú d'un terremotu.

La escala sismolóxica de Richter, tamién conocida como escala de magnitú llocal (ML), ye una escala logarítmica arbitraria qu'asigna un númberu pa cuantificar la enerxía que llibera un terremotu, denominada asina n'honor del sismólogu norteamericanu Charles Francis Richter.

La sismoloxía mundial usa esta escala pa determinar les fuercies de seísmos d'una magnitú ente 2,0 y 6,9 y de 0 a 400 quilómetros de fondura. Anque los medios de comunicación suelen confundir les escales, pa referise a eventos telúricos actuales considérase incorreutu dicir qu'un seísmu «foi de magnitú mayor de 7,0 na escala de Richter», pos los seísmos con magnitú superior a 6,9 mídense dende 1978 cola escala sismolóxica de magnitú de momentu, que discrimina meyor nos valores estremos.

Desarrollu Foi desenvuelta por Charles Francis Richter cola collaboración de Beno Gutenberg en 1935, dambos investigadores del Institutu de Teunoloxía de California, col propósitu orixinal de dixebrar el gran númberu de terremotos pequeños de los menos frecuentes terremotos mayores reparaos en California nel so tiempu. La escala foi desenvuelta pa estudiar namái aquellos terremotos asocedíos dientro d'un área particular del sur de California que los sos sismogramas fueren recoyíos puramente pol sismómetro de torsión de Wood-Anderson. Richter reportó primero valores con una precisión d'un cuartu d'unidá, sicasí, usó númberos decimales más tarde.

onde: = amplitú de les ondes en milímetros, tomada direutamente nel sismograma. = tiempu en segundos dende l'entamu de les ondes P (Primaries) al de les ondes S (Secundaries). = magnitú arbitraria pero constante a terremotos que lliberen la mesma cantidá d'enerxía.

L'usu del llogaritmu na escala ye pa reflexar la enerxía que s'esprende nun terremotu. El llogaritmu incorporáu a la escala fai que los valores asignaos a cada nivel aumenten de forma logarítmica, y non de forma llinial. Richter tomó la idea del usu de llogaritmos na escala de magnitú estelar, usada na astronomía pa describir el rellumu de les estrelles y d'otros oxetos celestes. Richter arbitrariamente escoyó un temblón de magnitú 0 pa describir un terremotu que produciría un desplazamientu horizontal máximu de 1 μm nun sismograma trazáu por un sismómetro de torsión Wood-Anderson alcontráu a 100 km de distancia del epicentru. Esta decisión tuvo la intención de prevenir la asignación de magnitúes negatives. Sicasí, la escala de Richter nun tenía llende máxima o mínimu, y anguaño habiendo sismógrafos modernos más sensibles, estos comúnmente detecten movimientos con magnitúes negatives.

Por cuenta de les llimitaciones del sismómetro de torsión Wood-Anderson usáu pa desenvolver la escala, la magnitú orixinal ML nun puede ser calculada pa temblones mayores a 6,8. Dellos investigadores propunxeron estensiones a la escala de magnitú llocal, siendo les más populares la magnitú d'ondes superficiales MS y la magnitú de les ondes de cuerpu Mb.

Problemes de la escala sismolóxica de Richter

El mayor problema cola magnitú llocal ML o de Richter anicia en que ye difícil rellacionala coles carauterístiques físiques del orixe del terremotu. Amás, esiste un efeutu de saturación pa magnitúes cercanes a 8,3-8,5, por cuenta de la llei de Gutenberg-Richter del escalamiento del espectru sísmicu que provoca que los métodos tradicionales de magnitúes (ML, Mb, MS) produzan estimaciones de magnitúes similares pa temblones que claramente son d'intensidá distinta. A principios del sieglu XXI, la mayoría de los sismólogos consideró obsoletas les escales de magnitúes tradicionales, siendo estes reemplazaes por una midida físicamente más significativa llamada momentu sísmicu, que ye más fayadizu pa rellacionar los parámetros físicos, como la dimensión de la rotura sísmica y la enerxía lliberada pol terremotu.

En 1979, los sismólogos Thomas C. Hanks y Hiroo Kanamori, investigadores del Institutu de Teunoloxía de California, propunxeron la escala sismolóxica de magnitú pel momento (MW), que aprove una forma d'espresar momentos sísmicos que puede ser rellacionada aproximadamente a les midíes tradicionales de magnitúes sísmiques.

Tabla de magnitúes La mayor lliberación d'enerxía que pudo ser midida foi mientres el terremotu asocedíu na ciudá de Valdivia (Chile), el 22 de mayu de 1960, que algamó una magnitú pel momento (MW) de 9,5.

De siguío descríbense los efeutos típicos de los seísmos de diverses magnitúes, cerca del epicentru. Los valores son envaloraos y tienen de tomase con estremu procuru, una y bones la intensidá y los efeutos na tierra non solo van depender de la magnitú del seísmu, sinón tamién de la distancia del epicentru, la fondura, el focu del epicentru y les condiciones xeolóxiques (dellos terrenos pueden amplificar les señales sísmiques).

Efeutos típicos de los seísmos de diverses magnitúes Magnitú (MW=Mayores de 6,9 ML=De 2,0 a 6,9)DescripciónEfeutos d'un seísmuFrecuencia d'escurrimientuMenos de 2,0Los microsismos nun son perceptibles.Alredor de 8000 per día2,0-2,9MenorXeneralmente nun son perceptibles.Alredor de 1000 per día3,0-3,9Perceptibles de cutiu, pero escasamente provoquen daños.49 000 per añu.4,0-4,9Movimientu d'oxetos nes habitaciones que xenera ruíu. Seísmu significativu pero con dañu pocu probable.6 200 per añu.5,0-5,9Puede causar daños mayores n'edificaciones débiles o mal construyíes. N'edificaciones bien diseñaes los daños son leves.800 per añu.6,0-6,9Pueden llegar a destruyir árees poblaes, n'hasta unos 160 quilómetros a la redonda.120 per añu.7,0-7,9MayorPuede causar serios daños n'estenses zones.18 per añu.8,0-8,9Cataclismu |Puede causar graves daños en zones de dellos cientos de quilómetros.1-3 per añu.9,0-9,9Devastadores en zones de dellos miles de quilómetros.1-2 en 20 años.10,0+Llexendariu o apocalípticoNunca rexistráu.Na historia de la humanidá (y desque se tienen rexistros históricos de los seísmos) nunca asocedió un seísmu d'esta magnitú.

Escala equivalente a la enerxía lliberada De siguío amuésase una tabla coles magnitúes de la escala y el so equivalente n'enerxía lliberada.