Tanoka Beard ye un xugador de baloncestu d'Estaos Xuníos retiráu. Nació nel estáu d'Utah en 1971. Dependiendo de les fontes mide ente 203 y 206 centímetros d'altor y pesa 121 kg. La so posición natural na pista yera la de pivot. Empezó la so carrera nos Boise State University, onde ye'l máximu anotador, taponador y el xugador con más tiros llibres anotaos ya intentaos. nun foi escoyíu pal draft de la NBA y nel de la CBA acabó siendo escoyíu na quinta ronda, polo que decidió xugar n'Europa. Dende l'añu 2003 hasta payares de 2007 militó nel Zalgiris Kaunas de Lituania, club nel que consiguió ganar 3 lligues nacionales en 4 temporaes. Mientres la so carrera foi tou un trotamundos del baloncestu, xugando y ganando campeonatos en distintos países.
Tres la so retirada del baloncestu en 2009 esistieron rumores sobre'l posible entamu d'una carrera del ex pivot nel mundu de la música, arriendes de delles apaiciones televisives en videos de hip hop y rap, magar nun hai nenguna declaración formal del xugador sobre la tema.
Clubes Boise State University (Idaho, Estaos Xuníos): 1989-1993. Pallacanestro Virtus Roma (Italia): 1993-1994. Club Baloncesto Breogán (Lugo, España): 1994. Ülker d'Istambul (Turquía): 1994-1995. Besançon BCD (Francia): 1995-1996. Joventut de Badalona (España): 1996-1998. Real Madrid (España): 1998-1999. Pamesa Valencia (España): 1999-2000. Cocodrilos de Caracas (Venezuela): 2000. Fenerbahçe Ülkerspor (Turquía): 2000-2001. DKV Joventut (España): 2001-2002. Lokomotiv Mineralnye Vody (Rusia): 2002. Zalgiris Kaunas (Lituania): 2003-2007. Hapoel Holon (Israel): 2007-2008 Bruxos de Guayama (BSN-Puertu Ricu):2008 Cariduros de Fajardo (BSN-Puertu Ricu): 2008 Tartu Rock (Estonia): 2008-09
Palmarés
Títulos de club 1 campeonatu nacional de Turquía: 1994-95, col Ülker d'Istambul. 1 Copa del Rei d'España: 1997, col Joventut de Badalona. 3 campeonatos nacionales de Lituania: 2002-03, 2003-04 y 2004-05 col Zalguiris Kaunas. 1 Lliga Báltica: 2005, col Zalgiris Kaunas.
Distinciones individuales 5 participaciones nel All Star de la Lliga ACB (España): 1996, 1997, 1998, 1999 y 2001. 13 vegaes escoyíu Xugador de la Selmana na ACB. 10 vegaes escoyíu Xugador del Mes na ACB. 2 vegaes nomáu MVP de la Lliga ACB (España): 1998-99 y 2001-02. 1 participación nel All Star de Lituania (siendo'l MVP del partíu): 2004. 1 vegada nomáu MVP de la lliga de Lituania: 2003-04. Foi'l xugador con meyor permediu de rebotes na Eurolliga 2004-05. Foi líder en rebotes na ACB tres temporaes 1998-99, 1999-2000 y 2001-02 Foi líder en rebotes de la lliga turca na temporada 2000-01 Foi líder en rebotes (14.3 por partíu) y anotación (26.5 puntos per partíu) na NBL francesa (1995-96).
Referencies
Enllaces esternos
Categoría:Xugadores de baloncestu d'Estaos Xuníos Categoría:Xugadores de baloncestu de la Lliga ACB