El Sietestrellu o Osa Mayor (Ursa Major) ye una constelación visible demientres tol añu nel hemisferiu Norte. Ente los aficionaos conózse-y tamién pol nome de Carriellón pol aspeutu que tien de xarré antiguu, magar que tien dellos nomes más, ente ellos el de Carriquín del rei, o tamién Osa que foi l'aspeutu que-yos paeció más asemeyáu a los antiguos griegos.
Les 7 estrelles que formen la constelación son:
Mizar, de magnitú 2'23 Alioth, de magnitú 1'76 Alkaid, de magnitú 1'85 Megrez, de magnitú 3'32 Phecda, de magnitú 2'41 Dubhe, de magnitú 1'81 Merak, de magnitú 2'34
D'ente elles, hai de solliñar la estrella Mizar, una estrella doble óptica visible con prismáticos, que forma pareya con Alcor.
Con telescopios pequeños pue adicase la nebulosa planetaria M97 "Tubeca" o "Curuxa", denomada asina polos dos furacos nel discu gaseosu de la nebulosa; tamién son de destacar les galaxes M101 (visible de frente) y la pareya de galaxes M81, esta cabera, de perfil.
Referencies
Enllaces esternos
*