Achy Obejas ye una periodista, poeta, traductora y narradora cubanoamericana.
Obejas pertenez a la xeneración de neños cubanos qu'abandonaron la islla colos sos padres camín d'Estaos Xuníos pocu dempués del trunfu de la Revolución Cubana. La biculturalidad, non solo venceyada a Cuba, sinón al universu llatín polo xeneral n'Estaos Xuníos ta bien presente nos sos testos. Otru referente constante na so narrativa ye la tema homoeróticu, qu'enceta dende posiciones de militancia activa, con una actitú gayolera, agresiva y que ruempe convencionalismos. Magar los sos primeros testos narrativos apaecieron n'inglés, Achy Obejas empezó depués a escribir tamién en castellanu y vio traducida la so obra a esti idioma.
En tornando per primer vegada a Cuba en 1995, caltuvo estrechos venceyos cola comunidá intelectaul cubana y, dende l'anonimatu, sofitó económicamente mientres diez años les ediciones del concursu de cuentu que convoca la revista La Gaceta de Cuba.
Poemes y rellatu sos apaecieron en Prairie Schooner, Fifth Wednesday Journal, TriQuarterly, Another Chicago Magacín y otres publicaciones d'Estaos Xuníos, asi como en La Gaceta de Cuba. Sicasí, los sos primeros testos apaecieron en Esto nun tien nome, una revista de la comunidá lesbiana llatina n'Estaos Xuníos.
Foi periodista del Chicago Tribune y otra publicaciones mientres más de dos décades. Anguaño mora en Oakland, California onde imparte clases de creación litearia y dacuando escribe reseñes pa delles revistes y sobre música pa Washington Post..
Foi traductora de la novela de Junot Díaz La maraviyosa vida curtia d'Óscar Wao y tamién tradució a otros autores llatinos como Rita Indiana o Wendy Guerra.
Obejas caltuvo una rellación sentimental con Megan Bayles, teniendo una fía de mancomún que lleva los apellíos de dambes.
Magar vivir bien pocu tiempu en Cuba, Obejas considérase cubana y escribió parte de la so obra nes sos visites a Cuba. La so novela Ruins, magar publicar n'inglés ta ambientada totalmente en L'Habana.
Achy Obejas tamién hai compilado un dossier de narrativa cubana: Inside Cuba: Voices from the Island, pa la revista In These Times y l'antoloxía Havana Noir
Obra publicada We Came All the Way from Cuba so You Could Dress Like This, San Francisco (1994). Cuentu * Memory Mambo (1996). Novela * Days of Awe (2001). Cuentos. Escoyíu unos de los meyores llibros publicaos esi añu pol diariuLos angeles times Publicáu en Cuba pola Editorial Lletres Cubanes nel 2009 como Agües y otros cuentos Ruins (2009). Editorial Akashic. Novela. This Is What Happened In Our Other Life (2007) Poesía * Immigrant Voices: 21st Century Stories (2014) (Coedición con Megan Bayles)
Antoloxíes nes qu'apaez Nós dos. L'Habana. Ediciones Unión. 2011. ISBN 978-959-308-031-6 Islla tan duce y otres hestories. L'Habana. Editorial Lletres Cubanes. 2008 Estatues de sal. Ediciones Unión. 1996.
Premios Pulitzer pol so trabayu nel equipu d'investigación del Chicago Tribune pa la serie Gateway to Gridlock ."Outspoken Cuban-American writer Achy Obejas to address IX community for Hispanic Heritage Month" , Indian University, September 22, 2009. Premiu Lambda pola so novela Memory Mambo Hall de la fama de la comunidá Gai y Lesbiana de Chicago (Chicago Gay and Lesbian Hall of Fame) en 2010."Inductees to the Chicago Gay and Lesbian Hall of Fame".
Referencies
Enllaces esternos
Categoría:Periodistes d'Estaos Xuníos Categoría:Escritores en castellanu