Marilyn Bobes ye una periodista, poeta, crítica y narradora cubanaProfile. Estudió Historia na Universidá de L'Habana. Publicó entevistes a personalidaes de la cultura, crítica lliteraria, reseñes, llibros de rellatos, noveles, poesía. Tamién foi compiladora de delles antoloxíes de cuentu.
Biografía Marilyn Bobes empezó a escribir a finales de los años setenta del sieglu venti, destacar como poeta. Sicasí, la reconocencia mayor llegaría en ganando'l premiu Casa de les Amériques 1995 con Daquién tien que llorar. La forma orixinal d'encetar el conflictu nel testu que da nome al cuadiernu, el fechu de que'l personaxe central nunca apaez sinón que nos ye referíu y/o construyíu nes voces de los personaxes que lu conocieron, amén del abordaxe del universu femenín y l'homoeróticu, marcaron un finxu pa la narrativa escrita por muyeres en Cuba. Nos años siguientes Marilyn Bobes desenvolvió un intensu llabor como promotora cultural, escribió reseñes y crítiques diverses y tornó a la poesía con un cuadiernu tan orixinal como Revi(c)itaciones y homenaxes onde, intertextualidad por aciu, dialoga y rinde homenaxe a grandes poetes como José Martí. Sicasí, sigue siendo la so narrativa lo más destacable na obra d'una autora polifacética que tien testos publicaos n'Italia, Alemaña, Gran Bretaña, Estaos Xuníos, España y Francia.
Obres selectes
Poesía L'aguya nel payar, 1980. Topar la manera, 1989. Revi(c)itaciones y homenaxes, 1998.
Prosa Daquién tien que llorar. 1996. Daquién tien que llorar otra vegada, 1999. Impresiones y Comentarios, 2003. Muyer perxura (novela). ISBN 978-959-209-922-7 Fiebre d'iviernu (novela), 2005.
Como antologadora Estatues de sal.Eciones Unión. Cuba. 1996. Cuentos infieles. Ediciones Unión. Cuba. 2006. Más cuentos infieles. Ediciones Unión. Cuba. 2007.
Premios Premiu David de Poesía de la Unión d'Escritores y Artistes de Cuba (UNEAC), 1979 Premiu Latinoaméricano de Cuentu "Edmundo Valadés" del Institutu de Belles Artes de Méxicu, Puebla, 1993. Premiu Hispanoamericanu de Cuentu "Magda Portal" del Centro Flora Tristán, Perú, 1994. Premiu Casa de les Amériques de Cuentu, 1995, L'Habana pol so llibru Daquién tien que llorar agora. Premiu Casa de les Amériques de Novela, 2005, pola so novela Fiebre d'iviernu. Premiu en Perú pola so novela Muyer perxura. Premiu Julio Cortázar de cuentu 2016 pol so rellatu A quien pueda interesar.
Referencies
Enllaces esternos http://www.cubaliteraria.cu/articuloc.php?idcolumna=33
Categoría:Periodistes de Cuba Categoría:Novelistes de Cuba Categoría:Poetes de Cuba