Nicole Rieu ye una cantante francesa, más conocida pola so participación nel Festival del Cantar d'Eurovisión 1975.
Carrera Robló'l so primer contratu discográficu con AZ Records en 1969. En 1973 foi afayada pola compañía discográfica Barclay, que-y ufiertó faer un tratu que finalmente se tradució nel llanzamientu del so primer senciellu «Je suis».
En 1975 foi escoyida de forma interna pola canal TF1 como la representante de Francia nel Festival d'Eurovisión d'esi añu, celebráu n'Estocolmu (Suecia) el 22 de marzu. El so cantar, «Et bonjour à toi l'artiste», escrita por Pierre Delanoë, consiguió 91 puntos y asitióse nel 4º llugar."Et bonjour à toi l'artiste" en diggiloo.net
Depués del so pasu pol escenariu d'Eurovisión, siguió llanzando senciellos, los que gociaron de bastante ésitu, como «Je m'envole» y «En courant» (1976, una versión en francés del cantar «Theme from Mahogany (Do You Know Where You're Going To)» de Diana Ross), «L'immigrant» (1977) y «La goutte d'eau» (1979).
Tomó un receso na so carrera per dellos años na década de 1980 coles mires de concentrase na crianza del so fíu. Na actualidá, sigui realizando xires y grabando y publicando discos n'intervalos esporádicos.
Referencies
Enllaces esternos Sitiu web oficial
Categoría:Cantantes de Francia Categoría:Participantes n'Eurovisión 1975 Categoría:Representantes de Francia n'Eurovisión