María Purificación Neira González ye una médica asturiana, direutora del Departamentu de Salú Pública y Mediu Ambiente de la Organización Mundial de la Salú (OMS).
Biografía María Neira estudió medicina na Universidá d'Uviéu y realizó los sos estudios d'especialización d'endocrinoloxía en Francia. Exerció la medicina con Médicos ensin fronteres, en Centroamérica. Más tarde treslladaríase cola ONX a Mozambique y Ruanda. Ingresó na Organización Mundial de la Salú como direutora del departamentu de Prevención y Erradicación d'Enfermedaes Infeicioses. Tres esto, en 2002, foi nomada presidenta de l'Axencia Española de Seguridá Alimentaria, treslladándose a Madrid.
Pocos años dempués tornó a Xinebra pa siguir el so trabayu na OMS, yá como direutora del departamentu de Salú Pública y Mediu Ambiente.
María ta casada col italianu Salvatore, que trabaya en Altu Comisionáu de les Naciones Xuníes pa los Refuxaos (ACNUR), y tien un fíu.
Premios y reconocencies Orde del Méritu Nacional (Gobiernu de la República Francesa, 2006). Premiu Príncipe d'Asturies de Cooperación Internacional (Fundación Príncipe d'Asturies, 2009), xunto cola direutora de la OMS Margaret Chan. Premiu "Woman" (2015), recibíu de manes de la Reina Letizia.
Referencies
Categoría:Alumnáu de la Universidá d'Uviéu Categoría:Médicos y médiques d'Asturies Categoría:Persones de La Felguera Categoría:Medaya de plata d'Asturies