Marisa Mediavilla Herreros, ye bibliotecaria, documentalista y “Activista de les llibreríes feministes, fundadora de la Biblioteca de Muyeres de Madrid en 1985, que tenía como oxetivos: axuntar la cultura y el saber de les muyeres a lo llargo de la historia, especialmente n'España; intentar poner de manifiestu la importancia de les contribuciones de la muyer a la sociedá; sirvir de puntu d'alcuentru y intercambiu d'información y esperiencies y axuntar, calteniéndolos, documentos ellaboraos pol movimientu feminista a lo llargo de la historia.
Biografía
Biblioteca de Muyeres Forma parte del grupu de Muyeres Feministes Independientes de Madrid, onde tuvo llugar la primer sede de la biblioteca, asitiada na cai Barquillu 44, entós daquella. Nos sos principios la biblioteca yera una asociación non codalosa y d'ámbitu llocal, pero a midida que el proyeutu foi creciendo, en 1991 pasó a ser competencia estatal, de manera que podíen aportar a subvenciones del Institutu de la Muyer. Cara 2006 escarecer d'un espaciu fayadizu, fueron frecuentes los tresllaos hasta que los fondos de la biblioteca fueron treslladaos al Institutu de la Muyer. Pero foi en 2012 onde tuvo llugar el so últimu treslláu al Muséu del Traxe, asitiáu na Avenida Juan de Herrera 2, onde fueron automatizados los fondos.
Pa la creación de la biblioteca Marisa Mediavilla xunta alredor de 30000 volúmenes ente los que podemos atopar: estudios y ensayos feministes, femeninos y misóxinos (de diverses autores), biografíes, obres de creación artística y lliteraria, amás de lliteratura gris, revistes y coleiciones especiales como axendes, calendarios, cartelos, folletos, sellos, pegatinas, tarxetes, tebeos, chapes… “qu'agora duermen nos suétanos del Muséu del Traxe”.. Na so trayeutoria profesional defendió'l papel de les llibreríes, tantu les especializaes en ciertes temes (feministes, de ciencia ficción, de viaxes…) como xeneralistas y tamién les de segunda mano, qu'amás fueron en parte una fonte pa la consecución de fondos pa la Biblioteca de la Muyer. Hai de solliñar la collaboración del so colega la filóloga y escritora feminista Lola Carbayos, que s'ocupó de la coordinación de les actividaes culturales y de la xestión alministrativo y económico de la Biblioteca, pocos meses dempués de la so puesta en marcha.
Marisa reconoz la esistencia d'anteriores biblioteques dedicaes a la muyer como la Biblioteca Popular de la Muyer fundada por Francesca Bonnemaison en Barcelona en 1909, el Lyceum Club creada en 1926 o la biblioteca de La Residencia de Señorites creada en 1915 y dambes empobinaes por Maria de Maeztu y esmantelaes tres l'españíu de la Guerra Civil.
Publicaciones El tebéu femenín: catálogu, Marisa Mediavilla Herreros. Madrid: Biblioteca de Muyeres, 2004 Tesauro de mujer Madrid: Biblioteca de Muyeres, 2014 Catálogu d'escritores españoles Madrid: Biblioteca de Muyeres, 2017 Catálogu de revista Madrid: Biblioteca de Muyeres, 2017 Catálogu de cartel Madrid: Biblioteca de Muyeres, 2017
Reconocencies y premios En 2016 la Xunta Directiva del Gremiu de Llibreros de Madrid, concedió-y el Premiu Leyenda pola so Biblioteca de Muyeres.
Referencies
Categoría:Bibliotecarios y bibliotecaries Categoría:Wikipedia:Mantenimientu:Persones ensin plantía NF Categoría:Wikipedia:Mantenimientu:Persones ensin plantía nym