Claudette Colvin (nome de soltera: Claudette Austin; ) foi una muyer afroamericana d'Alabama. Dellos historiadores dicen que ye la "Madre del movimientu modernu de los Derechos Civiles" .
El 2 de marzu de 1955, a los 15 años d'edá, cuando yera una estudiante del Booker T. Washington High School nel condáu de Montgomery (Alabama), negóse a dexar el so asientu nun autobús de Montgomery a una muyer blanca de mediana edá. El fechu pol que foi arrestada foi una violación de la llei local. Esti fechu precedió por nueve meses al de Rosa Parks, quien tamién negó'l so asientu nun autobús a una persona blanca, pero'l casu de Rosa Parks foi muncho más espublizáu. El 1 d'avientu de 1955 Rosa Parks tamién foi arrestada; esto precedió más palantre a que se lluchara polos derechos civiles.
Darréu instalóse en Nueva York, onde trabayó como enfermera nuna residencia de vieyos mientres trenta y cinco años. Anque nunca se casó, tuvo otru fíu más. Nos meses siguientes Colvin quedó embarazada. Por cuenta de la so curtia edá y el fechu de ser madre soltera y adolescente, la NAACP cuestionó la so reputación pa enfrentar el movimientu de derechos civiles, prefiriendo como símbolu de la so llucha a Rosa Parks, una adulta casada y trabayadora.
Referencies
Enllaces esternos
Categoría:Activistes d'Estaos Xuníos Categoría:Persones d'Alabama