Claudia Renate Andrea Stange Klein ye una bioquímica, científica, profesora universitaria y investigadora chilena dedicada al estudiu de la bioloxía molecular vexetal.
Biografía
Realizó los sos estudios nel Institutu Alemán de Puerto Montt, pa depués ingresar a la carrera de bioquímica na Universidá de Chile, de la que egresó en 1995. La so tesis de pregrado foi publicada en delles revistes y fíxo-y ganar un premiu dau pola Sociedá de Bioloxía Celular.
Ente los años 1996 y 1997 trabayó como ayudante d'investigación na Facultá d'Agronomía de la Pontificia Universidá Católica de Chile, nun proyeutu que se centraba n'establecer la micropropagación de Pinus radiata. En 2004 llogró un Doctoráu en Ciencies Biolóxiques, mención Xenética Molecular y Bioloxía na mesma casa d'estudios.
Los sos estudios sobre los carotenoides fixéron-y ser contratada pola Universidá de Chile, onde siguió investigando la espresión xenética de la síntesis de carotenoides en Daucus carota. Dende 2007 desempéñase como profesora asistente nel Departamentu de Bioloxía de la Facultá de Ciencies de la Universidá de Chile, y como miembru del claustru del Magíster en Ciencies Biolóxiques y del Programa de Doctoráu en Bioloxía Celular, Molecular y Neurociencies. Amás dende'l 2010 ye xefa de carrera d'Inxeniería en Bioteunoloxía Molecular.
Referencies
Categoría:Bioquímicos y bioquímiques de Chile Categoría:Científicos y científiques de Chile