Consuelo Texidor Mendo , conocida artísticamente como Consuelo Guerrero de Luna, foi una actriz nacida n'España de nacionalidá mexicana. Recuérdase-y pola so facilidá pa faer risión de los señores de sociedá, daqué no qu'ayudábala la so bien particular fisionomía.
Biografía
Consuelo Guerrero de Luna naz en Madrid, España en 1905, la so hermana foi la tamién actriz Irene Guerrero de Luna; debuta en 1924 nel teatru de zarzuela de Madrid, cola compañía dramática de Ricardo Calvo, nesta ciudá desenvuelve una amplia carrera, enantes de llegar a Méxicu a fines de los años 30, exiliada tres la guerra civil, nesti país trabaya coles compañíes Díaz-Collada y la de comedies de Prudencia Grifellreliquiasideologicas.blogspot.com/2010/01/g.html n'obres como «El derecho a nacer», La loba, Los cuatro caminos y La locura de los ángeles. En 1941 adquier la nacionalidá mexicana y debuta en cine con ¡Ay, qué tiempos, señor Don Simón!, al llau de Joaquín Pardavé, Mapy Cortés y Arturo de Córdova, esi mesmu añu participa con Cantinflas en El gendarme desconocido. En 1943 llogra'l protagonismu na comedia Arriba las mujeres, na quePedro Infante facía un papel menor. Otres cintes clásiques nes que participó foron: La corte del faraón (1944), El monje blanco (1945), Don Simón de Lira (1946), Soledad (1947), La liga de las muchachas (1950), En la palma de tu mano (1951), la alegre casada 1952 Canasta de cuentos mexicanos (1956), Las aventuras de Pito Perez (1957) y Refifí entre las mujeres (1958), les dos últimes xunto a Tin Tan.
En televisión trabayó en Murallas blancas y Amar fue su pecado, los dos de 1960. Énte la falta de trabayu abellugóse na casa del actor de la ANDA na ciudá de Méxicu y finó'l 11 d'ochobre de 1972, nesta mesma ciudá.
Reconocencies
Premios Ariel AñuCategoríaPelículaResultáu1947Actriz de cuadruSu última aventuraNomada
Bibliografía José ROMERA CASTILLO, Pautes pa la investigación del teatru español y les sos puestes n'escena, ISBN 8436263340 Dellos, SOMOS: Las reinas de la risa, Editorial Televisa, S. A. de C. V., Méxicu, Febreru de 2002, Añu 12, Númberu 216
Referencies
Enllaces esternos
Categoría:Actores y actrices de teatru d'España Categoría:Actores y actrices de cine de Méxicu Categoría:Actores y actrices de teatru de Méxicu Categoría:Actores y actrices de televisión de Méxicu Categoría:Humoristes de Méxicu