Cristina García Spínola de Brito ye una periodista, deportista, reportera de televisión, escritora y youtuber canaria. Primer muyer española en dar la vuelta al mundu en bicicleta ensin sofitu téunicu y ensin tregua.
Trayeutoria Cristina García Spínola nació en 1976 en Santa Brígida, población de Les Palmes de Gran Canaria. Graduóse en Periodismu n'Universidá Complutense de Madrid en 1999. De 1994 a 1998 exerció de periodista en La Provincia Diariu de Les Palmes. De 1999 a 2009 foi reportera y presentadora n'Antena 3 TV, TVE y Televisión Canaria.
En Televisión Española empezó'l so activismu polos derechos de les muyeres. En 2005 presentaba un programa sobre socesos onde la mayoría de los casos yeren de violencia de xéneru y bien brutales. Diose cuenta de que la so vocación periodística tenía de dir acompañada d'un compromisu social y empezó a faer campaña en pro de los derechos de les muyeres en bicicleta. En 2005 viaxó en solitario en bicicleta poles siete islles canaries con "La ruta pola igualdá", iniciativa que-y dexó percorrer en pedales les siete islles canaries, dende El Hierro hasta Lanzarote promulgando la igualdá de xéneru. Esta aventura desaguó nel llibru, Sola, Ruta pola Igualdá, (2006) y abrió la so perspeutiva d'un viaxe de más valumbu sol mesmu lema. La so esperiencia de desenvolvimientu personal sobre cómo venció les sos llendes pa dar el primer pasu y llanzase a viaxar y vivir viaxando la cuenta nel so llibru "Taller de Felicidad, Claves pa Crear la Vida que Quies" (2016). Nel so últimu llibru "Sola en bici, Suañé Grande y Toqué el Cielu" (2018)cunta la so vuelta al mundu en bicicleta, la mayoría en solitario, que tuvo llugar ente 2014 y 2017 y que lu llevó a percorrer 27 países y cerca de 30.000 quilómetros.
Vuelta al mundu en bicicleta alt=Punta Gallina, Península de La Guajira, Colombia. 2915.|miniaturadeimagen|278x278px|Vuelta al Mundu en bicicleta de Cristina Spínola.Fotografía de @mlatsone miniaturadeimagen|277x277px|45 Díes Sola en Kayak pel Mar de Cortés, Méxicu. Semeya de Jon Crane. En marzu de 2014 voló a Sudáfrica cola so bicicleta nuna caxa. Dende ellí empezó a pedaliar tol Este d'África hasta Etiopía, pasando por Mozambique, Malawi, Tanzania y Kenia. En Addis Abeba coyó un avión – como nun diba con un home, n'Arabia Saudina nun-y dieron el visáu necesariu pa cruciar por Oriente Mediu-. Crució l'Océanu Índicu hasta Bombay, cruciar la India hasta Nepal; d'ende al Sureste Asiáticu, depués Singapur, Indonesia, Nueva Zelanda…y de ende a Los Angeles. Dende Los Angeles al Estrechu de Magallanes, Cristina Spinola tardó trés años y un mes.
La finalidá del viaxe de Cristina yera promocionar la igualdá ente homes y muyeres y el empoderamiento de la muyer en toles esferes de la sociedá. Desea ser la inspiración que precisen delles féminas pa desfacer de les cadenes impuestes pola sociedá na que vivimos, de tala forma que les úniques cadenes presentes nes sos vides sían les de les sos bicicletes. Cristina Spínola nel so percorríu pel mundu en bicicleta escapó a un intentu de violación, a un ataque con machete, apuntáron-y con un rifle y magar ello esta canaria siguió pedaliando nesta aventura solo con una meta: lluchar pola igualdá ente homes y muyeres. El 21 d'abril de 2017 remató con ésitu en Ushuaia, Arxentina, el so retu de ser la primer española en dar la vuelta al mundu en bicicleta ensin sofitu téunicu y ensin tregua, pedaliando mientres trés años y un mes por 27 países y percorriendo 30.000 km.
45 díes sola en kayak
A finales d'avientu de 2017, Spínola entama otru gran retu, percorrer la península de Baxa California de norte a sur en solitario a bordu d'un kayak. Magar la so intención yera completar esta singladura en dos meses, el mal tiempu y la escasez d'agua lleváronlu a terminar el periplu en tres meses, mientres 45 díes de navegación. Una aventura pa la que nun cuntó con sofitu téunicu y que lu llevó a remar 800 quilómetros de mariña dafechu sola, pernoctando aleatoriamente na mariña de la península mexicana y enfrentándose a la escasez d'agua y comida na desértica zona.
Obres Sola, Ruta pola Igualdá, (Cabildru de Gran Canaria, 2006). Taller de Felicidad, Claves pa Crear la Vida que Quies (Autoedición en Amazon, 2016). bici Sola en bici, (Ediciones Casiopea, 2018).
Premios y reconocimiento Diploma Institutu de la Mocedá de Méxicu DF, 2015. Reconocimiento Universidad Internacional de La Paz pol llabor en defensa de los derechos de la muyer en Méxicu, 2015. Premiu "40 Años de la Revista Viaxar ".
Referencies
Enllaces esternos
Categoría:Feministes de Canaries Categoría:Periodistes de Canaries Categoría:Escritores de Canaries Categoría:Deportistes de Canaries