Catherine Greiner foi una actriz cinematográfica de nacionalidá francesa. Vedette del cine pornográficu, foi tamién conocida col nome de Cathy Stewart.

Biografía El so nome completu yera Catherine Patricia Greiner, y nació en Royan, FranciaRexistru de nacencia n° 73/1956; Catherine Greiner en Les Gens du cinéma

Catherine Greiner rodó cerca d'un centenar de películes pornográfiques ente los años 1977 y 1984,Cf. IMDb de cutiu col nome de Cathy Stewart.N'ocasiones acreditada como Cathy Steward, Cathy Greiner, Cathy Grener, Cathy Grenier, Cathy Steewart, Kate Baxter, Kathy Greiner, Kathy Grener, Kathy Steewart y Kathy Stewart. Catherine Greiner en European Girl Adult Film Database Ella participó en películes xunto a estrelles de los años 1970 como Brigitte Lahaie y Karine Gambier, más nueves intérpretes como Julia Perrin, Catherine Ringer y Marilyn Jess. Foi dirixida regularmente polos realizadores Francis Leroi, Gérard Kikoïne, Claude Bernard-Aubert, Jean-Claude Roy y Pierre B. Reinhard.Catherine Greiner en Encyclo ciné Foi una de les protagonistes, en 1979, del filme Exhibition, de Jean-François Davy. Nel mesmu intervenía Dominique Irissou, col cual ella debutara, y col qu'actuó de manera regular na pantalla.

Ella sabía apurrir un toque d'humor nos sos papeles, y llevó a cabu la postsincronización de bona parte de los sos personaxes. Amás del porno, rodó Convoi de filles, un filme de Pierre Chevalier, amás d'una comedia erótica del suizu Erwin C. Dietrich, Les Bourgeoises de l'amour.

Dedicáu a obres más personales, Jean Rollin, que la dirixera en numberosos de los sos filmes X, confió-y un papel en La Nuit des traquées. Pero, al contrariu que Brigitte Lahaie, la so compañera de repartu, ella nun dexó'l porno, y abandonó los rodaxes en 1984.

Catherine Greiner finó por causa d'una sobredosis de drogaHardeurs juvéniles, Libération, 17 agostu 2011 en 1994, en Breuillet, Francia, a los trenta y ocho años d'edá.

Filmografía

Cine

Películes convencionales

Cine X

Referencies

Enllaces esternos Catherine Greiner na IMDb Jean Rollin fala sobre Catherine Greiner sur Requiem for Jean Rollin

Categoría:Actores y actrices de cine de Francia Categoría:Actores y actrices de pornografía