Cathy Berberian foi una compositora, mezzosopranu y vocalista d'Estaos Xuníos. Foi la primer esposa de Luciano Berio ya inspiradora de delles de les sos obres. Ye considerada la meyor y la más popular intérprete de música contemporánea del so tiempu, que rompió los prexuicios de les élites de la música clásica con al respective de la música popular, revelando al mundu la suya mesma d'entera llibertá.
Biografía Nació en Attleboro. Na Universidá de Columbia y na de Nueva York tuvo contautu cola lliteratura, pantomima y les dances d'España, Armenia y les cultures orientales. Estudió téunica vocal con Giorgina del Vico en Milán, onde conoció al compositor italianu Luciano Berio, con quien tuvo casada ente 1950 y 1964. Fixo'l so debú en 1957 nun conciertu de música contemporánea en Nápoles. La so primer apaición artística n'Estaos Xuníos foi en 1960 nel Festival de Tanglewood. Morrió d'un sorpresivu infartu en Roma. Diba cantar a otru día La Internacional al estilu de Marilyn Monroe n'homenaxe al centenariu de la muerte de Karl Marx.
Carrera Destacó na interpretación de música de vanguardia, música folclórica d'Armenia, The Beatles (singulares arreglos nel estilu barrocu pa "faer que los nuesos padres gusten de la so música") y tamién les sos propies composiciones. La so obra más conocida ye Stripsody (1966), na qu'esplota la so téunica vocal usando soníos d'historietes. Foi bien destacada la so participación en grabación de la ópera L'incoronazione di Poppea de Claudio Monteverdi, dirixida por Nikolaus Harnoncourt.
Berio deconstruyó la so voz en Thema (Omaggio a Joyce) (1958) y dedicó-y el so obres Sequenza III, Circles (1960) y Recital I (for Cathy) (1972). Amás, Sylvano Bussotti, John Cage, Hans Werner Henze y Ígor Stravinski escribieron obres pa la so voz.
Nel cantar "Your Gold Teeth" (El to diente d'oru) de Steely Dan del álbum de 1973 Countdown To Ecstasy diz:
"Even Cathy Berberian knows/There's one roulade she can't sing." (Hasta Cathy Berberian sabe/qu'hai una tonada qu'ella nun puede cantar."
Referencies
Enllaces esternos
Páxina oficial de Berberian Cathy Berberian, la muyer de los mil y una voces Grabaciones y Composiciones de Berberian en http://www.allmusic.com
Categoría:Compositores de música clásica d'Estaos Xuníos Categoría:Mezzosopranos d'Estaos Xuníos