FEMNET (Rede de Desarrollu y Comunicación de les Muyeres Africanes) ye una organización panafricana creada en 1988 pa promover el desenvolvimientu, la igualdá y sofitar los Derechos Humanos de les muyeres n'África al traviés de la defensa, la formación y la comunicación. Ta basada en Nairobi (Kenia).
Desenvuelve campañes contra la Mutilación Xenital Femenina y el matrimoniu precoz, la violencia contra les muyeres y neñes, empoderamiento y lideralgu políticu femenín, derechos sexuales y reproductivos y muyeres na economía.
Actividaes y campañes FEMNET trabayó primero pa sofitar les redes de muyeres africanes ante la celebración en 1995 de la Conferencia Mundial sobre la Muyer Cuarta Conferencia Mundial de la Muyer celebrada en Beijing. La organización trabayó cola Comisión de la Condición Social y Xurídico de la Muyer de la ONX, la Conferencia Mundial en contra Racismu y la Unión africana (AU). Ente les temes trabayaes cola Unión Africana ta'l protocolu nos Derechos de Muyeres n'África de la Carta africana de los Derechos Humanos y de los Pueblos, el Conseyu Económicu Social y Cultural (ECOSOOC) y la Sociedá Alianza pal Desarrollu de AFRICA (NEPAD).
Realizó'l so primer taller sobre xéneru en 1990 en Kenia trabayando con UNICEF y l'Axencia Canadiana de Desarrollu Internacional (CIDA). El taller sofitó la formación de formadores y cola esperiencia desenvolviéronse nuevos materiales. Ente 1993 y 1999 FEMNET realizó talleres en Suazilandia, Zambia, Estaos Xuníos y Malaui sofitaos pol Fondu de Población de les Naciones Xuníes (UNFPA), UNICEF y l'Axencia d'Estaos Xuníos pa Desarrollu Internacional (USAID). Nel 2000 FEMNET entamó sesiones de formación en Sudáfrica, Uganda y Ghana.
BringBackOurGirls En 2014 FEMNET foi una de les organizaciones que llanzaron la campaña #BringBackOurGirls pa reclamar el rescate de les más de 200 neñes secuestraes en Nixeria pol grupu yihadista Boco Haram.
Direutores executives anteriores Njoki Wainaina Lynne Muthoni Wanyeki Therese Niyondiko
Presidentes anteriores Sara Hlupekile Longwe Mama Koite Doumbia, ganadora en 2011 del FAMEDEV Premiu de Xéneru.
Referencies
Enllaces esternos Twitter de FEMNET
Categoría:Organizaciones de Kenia Categoría:Organizaciones internacionales d'África Categoría:Organizaciones feministes internacionales