El conflictu de la Franxa de Gaza de 2008-2009, denomináu Operación Plomo FundíuSiquier 225 muertos n'entamu d'ofensiva israelina () poles Fuercies de Defensa Israelines (FDI), foi una ofensiva militar dende aire, tierra y mar, precedida por una campaña de bombardéu aereu sobre la Franxa de Gaza (Territorios Palestinos), que tuvo entamu'l 27 d'avientu de 2008 y que remató'l 18 de xineru de 2009. Foi dirixida contra oxetivos de la infraestructura de la organización Hamás, principalmente puertos, sedes ministeriales, cuarteles de policía, depósitos d'armes y los túneles soterraños que comunicaben la Franxa de Gaza con Exiptu.La fuercia aérea israelina bombardea la Universidá Islámica de GazaL'ataque aereu d'Israel causa una matanza de más de 270 palestinos en Gaza El conflictu foi descritu como la "Masacre de Gaza" (n'árabe:مجزرة غزة) en dellos países y medios musulmanes.
Según el gobiernu israelín, l'oxetivu de la ofensiva yera destruyir la "infraestructura terrorista" y la capacidá militar de Hamás, como respuesta al llanzamientu de cohetes y proyeutiles de morteru, contra oxetivos civiles israelinos per parte de milicianos palestinos dende la Franxa de Gaza, yá que desque acabó l'altu'l fueu que precedió al conflictu hasta l'entamu de la ofensiva, más de 200 proyeutiles impactaron nel sur d'Israel. El ministru de defensa d'Israel Ehud Barak declaró: "Hai un tiempu pal aselu y un tiempu pa la llucha, y agora llegó'l momentu de lluchar".Scores killed in Israeli assault on Gaza En cuantes que el primer ministru d'Israel, Ehud Ólmert, alvirtió de que "puede llevar tiempu, y toos y cada unu de nós tenemos de ser pacientes por qu'asina podamos completar la misión".
Esti conflictu provocó'l mayor númberu de baxes nos últimos cuarenta años de conflictu árabe-israelín, catorce d'elles israelinos, de les qu'once yeren soldaos y trés civiles. Aproximao 1 400 palestinos morrieron por cuenta de los bombardeos y los combates urbanos;Clashes follow Israeli 'cessation'Report: Dozens dead in IDF strikesCivilians die in Gaza fighting centenares d'ellos yeren civiles, anque esisten importantes diverxencies ente les cifres apurríes por distintes organizaciones. Según el Centru Palestín pa los Derechos Humanos, de los 1 434 palestinos finaos mientres el conflictu 960 yeren civiles, 288 d'ellos menores de dieciocho años,The Dead in the course of the Israeli recent military offensive on the Gaza strip between 27 December 2008 and 18 January 2009 ente que un informe presentáu pol exércitu israelín reconocía 1 166 palestinos muertos, ente 457 y 295 d'ellos víctimes civiles.B'Tselem: 773 of Palestinians killed in Cast Lead were civilians La organización israelina pa los derechos humanos B'Tselem cifró en 1 387 el númberu de palestinos muertos, de los que siquier 774 seríen civiles, 320 d'ellos per debaxo de los dieciocho años. La Franxa de Gaza resultó seriamente estropiada y miles d'edificios fueron destruyíos, la mayor parte d'ellos residenciales.IOF Offensive on the Gaza Strip Makes it Like Earthquake Zone and Claims Civilian and Property PCHR, 22 de xineru de 2009. Tanto les Fuercies de Defensa d'Israel como Hamás fueron acusaos de cometer crimen de guerra mientres el conflictu por distintos informes de Naciones Xuníes, Amnistía Internacional y Human Rights Watch.
Darréu dempués del entamu de la ofensiva, los grupos armaos palestinos na Franxa de Gaza respondieron intensificando'l llanzamientu de cohetes escontra Israel, y los sos líderes fixeron llamamientos a la Tercer Intifada contra Israel y a la continuación de los atentaos suicides. El sur del territoriu israelín viose sometíu a una situación de permanente alarma, y los cohetes algamaron en repitíes ocasiones les ciudaes de Sderot, Ascalón, Asdod y Berxeva, provocando la muerte d'un soldáu y trés civiles israelinos, según decenes de mancaos de distinta considerancia. Tres l'entamu de la invasión terrestre sobre la Franxa, nueve soldaos israelinos morrieron en combate en distintes aiciones,Another soldier killed in northern Gaza cuatro d'ellos de resultes del fueu amigo el 5 de xineru. Otru soldáu israelín morrió'l 27 de xineru por cuenta de les firíes provocaes por una bomba aicionada por milicianos palestinos cerca del pasu de Kissufim.
Tres la intensificación de la diplomacia nos díes previos, el 17 de xineru de 2009 el primer ministru israelín Ehud Ólmert anunció un "cese unillateral de les hostilidaes na Franxa de Gaza", con una duración de 10 díes.Barak: IDF forces to remain deployed in Gaza Nesti periodu, l'exércitu israelín siguió esplegáu na Franxa, y según afirmó un altu mandu del mesmu, "si Hamás dispara contra les fuercies israelines, acutámonos el derechu de responder".Olmert anuncia un altu'l fueu unillateral en Gaza tres 22 díes d'ataques Tres la declaración d'alto'l fueu, dellos cohetes cayeron sobre territoriu israelín y hubo combates ente milicianos palestinos y militares israelinos nel interior de la Franxa de Gaza, que provocaron la muerte d'un ciudadanu palestín.
A otru día, 18 de xineru, foi Hamás xunto con otres organizaciones palestines quien anunció un "alto'l fueu inmediato". Ésti, con una duración d'una selmana, tenía como oxetivu la retirada del exércitu israelín del territoriu de Gaza, según voceros del movimientu islamista. Según un voceru del primer ministru israelín Ehud Ólmert, l'exércitu israelín nun contemplaba un calendariu de retirada mientres nun cesara'l llanzamientu de cohetes sobre'l so territoriu.Hamás anuncia un altu'l fueu inmediato Finalmente y tres dellos díes de tirante aselu, los voceros de les Fuercies de Defensa d'Israel anunciaron el 21 de xineru que l'exércitu hebréu completara la so retirada de la Franxa de Gaza, retornándose al statu quo previu al conflictu y retomando Hamás el poder sobre la totalidá del territoriu de Gaza.
Contestu previu Gobiernu de Hamás na Franxa de Gaza
Hamás ye una organización islamista palestina que'l so oxetivu ye la instauración d'un Estáu Islámicu na rexón histórica de Palestina, esto ye, no que güei son Israel y los Territorios Palestinos. Poro, Hamás nun reconoz al Estáu d'Israel nin el so derechu a esistir. La so organización ye complexa, y dientro del so senu acueye dende organizaciones benéfiques, qu'asisten a los palestinos más precisaos, hasta les Brigaes de Ezzeldin Al-Qassam, el brazu armáu de la organización, que cometió múltiples atentaos contra militares y civiles israelinos causando decenes de muertos, y que son los responsables últimos del llanzamientu de cohetes contra Israel.
Hamás tamién tien un brazu políticu, que ganó les postreres eleiciones llexislatives de Palestina de 2006 por aciu mayoría absoluta. Tres estes eleiciones, Hamás, consideráu una organización horrorista pola Xunión Europea,Council Decision Conseyu de la Xunión Europea, 21-12-2005 los Estaos Xuníos,Chapter 6 Terrorist Groups, U.S. State Dept., April 27, 2005. Israel, Xapón,Nota de prensa de la Embaxada de Xapón n'El Salvador que menta como terrorista a Hamás CanadáKeeping Canadians Safe, Public Security and Emergency Preparedness Canada, National Security, Listed entities. Accessed July 31, 2006. y Australia, foi boicotiáu, dempués de lo que empecipióse una llucha ente Fatah y la organización islamista, que terminó cola espulsión de los miembros de Fatah de la Franxa de Gaza, y tomar del control absolutu de la Franxa per parte de Hamás. Gaza y Cixordania pasaron a ser alministraos por distintos gobiernos, de Fatah el de Cixordania, y de Hamás el de la Franxa. El gobiernu d'Ismail Haniye pasó asina a alministrar de facto la Franxa, creando los sos propios ministerios y el so propiu cuerpu de policía, llamáu Fuercia Executivo, que cunta con comisaríes nos principales barrios y pueblos de la rexón costera.
Gilad Shalit
Al entamu del conflictu Hamás siguía manteníendo prisioneru en Gaza a Gilad Shalit, soldáu israelín prindáu en 2006, siendo l'únicu prisioneru israelín en manes del movimientu, y unu de los trés ciudadanos israelinos — xunto a Ehud Goldwasser y Eldad Regev, que fueron deteníos por organizaciones anti-israelinos.
Gilad Shalit ye una posible pieza de negociación pa Hamás frente al gobiernu israelín, conocíu pola prioridá que pon nel rescate de ciudadanos deteníos por organizaciones anti israelinos. Según publica'l Comité Internacional de la Cruz Bermeya, hasta'l 10 d'avientu de 2008 nun pudieren visitar a Shalit nin restablecer el contautu ente'l prisioneru y la so familia.
Fuentes non oficiales del Hamás declararon que Shalit resultó mancáu nos bombardeos israelinos sobre Gaza en xineru de 2009. Dada la importancia de Shalit como pieza d'intercambiu, l'exércitu israelín tornó esta información, al empar que responsabilizó al Hamás de tolo que pudiera asocede-y al prisioneru mientres l'aición militar. Según declaraciones del ministru de rellaciones esteriores d'Exiptu, Ahmed Aboul Gheit, Gilad Shalit taba siendo tratáu bien polos sos captores. Foi lliberáu'l 18 d'ochobre de 2011.
Llanzamientu de proyeutiles
thumb|250px|Restos de cohetes Qassam llanzaos dende la Franxa de Gaza. El bloquéu de la Franxa de Gaza per parte d'Israel, más herméticu dende'l trunfu eleutoral de Hamás, causó un gran sufrimientu a la so población, incluyendo periódiques muertes d'enfermos que nun pudieron ser atendíos na Franxa, daes les sos faltes. Igualmente amenorgó l'ingresu d'armamentu que d'otra forma sirviría pa efectuar ataques contra la población israelina.[ Amás, Gaza sufrió tamién distintos bombardeos per parte de les Fuercies de Defensa d'Israel . Pela so parte, distintes organizaciones palestines de Gaza amosaron la so oposición a Israel llanzando mientres los 8 años previos a la operación Plomu Fundíu,[ cohetes de desigual potencia y eficacia, en concencia con una capacidá mortífera enforma menor comparada cola potencia militar israelina. El gobiernu israelín afirmó que'l llanzamientu de cohetes Qassam per parte de Hamás y otres organizaciones palestines contra'l sur d'Israel yera la causa principal pa llanzar la so ofensiva militar contra la Franxa de Gaza. Los Qassam son cohetes simples d'aceru, con menor capacidá destructiva y puntería qu'otros cohetes como los Katyushes, conocíos por ser usaos por Hezbolá mientres la Guerra d'El Líbanu de 2006. Según el Ministeriu d'Asuntos Esteriores d'Israel, los cohetes Qassam mataron a 16 persones dende xunu de 2004 hasta l'entamu de la ofensiva.Víctimes de la violencia y el terrorismu palestín dende setiembre de 2000 (n'inglés). Los atentaos mortales fueron los siguientes: 28 de xunu de 2004 (2 muertos), 29 de setiembre de 2004 (2 muertos), 15 de xineru de 2005 (1 muertu), 7 de xunu de 2005 (3 muertos), 14 de xunetu de 2005 (1 muertu), 15 de payares de 2006 (1 muertu), 21 de payares de 2006 (1 muertu),21 de mayu de 2007 (1 muertu), 27 de mayu de 2007 (1 muertu), 27 de febreru de 2008 (1 muertu), 12 de mayu de 2008 (1 muertu), 27 d'avientu de 2008 (1 muertu).
N'Israel, el llanzamientu de cohetes contra'l sur del so territoriu ye una tema sobre'l que la sociedá atópase especialmente concenciada. Dende xineru de 2008 hasta l'entamu de los bombardeos, unos 3 000 cohetes llanzaos dende la Franxa de Gaza impactaron en territoriu israelín. Estos llanzamientos provocaron la muerte de 4 persones y mancaes de distinta considerancia a otres 270. Les ciudaes más afeutaes pol impautu de cohetes son aquelles más próximes a la Franxa de Gaza, fundamentalmente Sderot y Ascalón, anque tamién Asdod y Netivot.
L'entamu de los llanzamientos
thumb|250px|El gráficu amuesa'l númberu de Qassam disparaos mensualmente por Hamás dende la Franxa de Gaza contra Israel ente los años 2002-2007.