María Elena Álvarez-Buylla Roces ye una científica mexicana especializada en ecoloxía evolutiva del desenvolvimientu, dende la perspeutiva de la Bioloxía de Sistemes Estudió la llicenciatura en Bioloxía (8/79-8/82) y la Maestría en Ciencies (ecoloxía vexetal) nel Institutu de Bioloxía (9/82-8/85), na Universidá Nacional Autónoma de Méxicu. Realizó estudios doctorales en Botánica na Universidá de California en Berkeley (U.S.A.) (9/86-3/92). Foi estudiante postdoctoral na Universidá de California en La Jolla, San Diego, USA. (9/97-12/99).
Les sos contribuciones científiques nel campu de la morfogénesis inclúin la carauterización, por aciu modelos matemáticos con base en datos esperimentales, de la rede de regulación xenética que condiciona'l destín de les célules que constitúin la flor en Arabidopsis thaliana, que completa'l modelu ABC del desenvolvimientu floral. El modelu correspondiente ye pioneru nel usu de redes Booleanas discretes (introducíes nel campu de la bioloxía por Stuart Alan Kauffman) na carauterización de módulos de regulación xenética en procesos de desenvolvimientu de los organismos pluricelulares,. La so esploración de les consecuencies de les fluctuaciones estocásticas en redes de regulación xenética dexó-y contribuyir a la formalización matemática del conceutu de paisaxe epixenéticu, acuñáu por Conrad Hal Waddington, lo que se tradució nel desenvolvimientu de ferramientes matemátiques y computacionales pa la carauterización del mapeo fenotipu-xenotipu. La so incursión nel campu de la biomedicina inclúi la esploración de los procesos dinámicos que condicionen la emerxencia del cáncer epitelial, la carauterización de los procesos de regulación xenética que subyacen a la inflamación crónica, según el modeláu matemáticu y computacional de los procesos que subyacen a la emerxencia y la progresión de la leucemia linfoblástica aguda.
Tamién ye reconocida pol so activismu defendiendo variedaes natives de maíz y pol so oposición a los cultivos trexénicos. Dende 2001, cuenta col nivel III nel Sistema Nacional d'Investigadores del Conseyu Nacional de Ciencia y Teunoloxía de Méxicu. Anguaño, forma parte de la Unión de Científicos Comprometíos cola Sociedá, y ye xefa del Departamentu d'Ecoloxía Funcional nel Instituto d'Ecoloxía de la Universidá Nacional Autónoma de Méxicu. Ye co-fundadora y Coordinadora d'Investigación del Centru de Ciencies de la Complexidá de la Universidá Nacional Autónoma de Méxicu.
En 2017 el gobiernu d'Enrique Peña Nieto concedió-y el Premiu Nacional de Ciencies y Artes, na categoría de ciencies físicu-matemátiques y naturales.
Andrés Manuel López Obrador anunció a la doctora María Elena como Direutora Xeneral del CONACYT mientres el tercer alderique presidencial en Mérida, Yucatán la nueche del 12 de Xunu de 2018. Tres la victoria de López Obrador, Álvarez-Buylla anunció les sos "Principios Rectores del programa de Ciencia y Teunoloxía nel marcu del Proyeutu Alternativu de Nación (2018-2024)"
Ye miembru d'una familia procedente del exiliu Republicanu español, el so padre, Ramón Álvarez-Buylla, foi un destacáu científicu tamién, y los sos güelos, Arturo Álvarez-Buylla Godino y Wenceslao Roces, fueron, respeutivamente, pioneru de l'aviación española y senador por Asturies. Ye hermana del neurobiólogo mexicanu Arturo Álvarez-Buylla Roces.
Crítiques La so postura ya investigaciones al respective de la seguridá de los alimentos xenéticamente modificaos fueron oxetu de crítiques d'otros investigadores y divulgadores de la ciencia.
Premios Premiu Nacional de Ciencies y Artes 2017 na categoría de Ciencies Físicu-Matemátiques y Naturales, dau pol Gobiernu de la República. Premiu Nacional d'Investigación de l'Academia Mexicana de Ciencies 1999 na categoría de Ciencies Naturales, dau pola Academia Mexicana de Ciencies.
Referencies
Categoría:Científicos y científiques de Méxicu Categoría:Wikipedia:Mantenimientu:Persones ensin plantía NF Categoría:Biólogos y biólogues de Méxicu Categoría:Persones de Ciudá de Méxicu