Patricia Hitchcock O'Connell , conocida davezu como Pat Hitchcock, foi una actriz y productora cinematográfica británica. Yera la única fía del direutor Alfred Hitchcock y de la montajista Alma Reville.
Biografía Actuó en delles películes del so padre, siempres en pequeños papeles. El so personaxe más famosu foi'l de Caroline, la compañera de secretaría del personaxe de Marion Crane (Janet Leigh) protagonista d'una de les obres cume del so padre, Psycho. Tamién fixo papeles en Strangers on a Train, Stage Fright, delles series de televisión (siempres papeles menores) incluyendo la del so padre: Alfred Hitchcock Presents, nun total de 10 capítulos.
Tamién participó nes películes The Mudlark, The Ten Commandments y Skateboard, amás de nes series de TV Suspense, Front Row Center, Screen Directors Playhouse, Manitee Theatre, The Life of Riley, Playhouse 90 y Suspicion, y nos telefilms Ladies of the Corridor y Six Characters in Search of an Author, ente 1950 y 1976.
Vida privada Conoció a Joseph O'Connell, el so home en marzu de 1950 cuando los sos padres taben nun cruceru n'Italia. Casáronse en 1952 y tuvieron trés fíos: Mary Stone (1953), Tere Carrubba (1954) y Katie Fiala (1959), precisamente la dómina na que'l so padre rodó los sos mayores ésitos. Joseph finó en 1994.
Filmografía Estes son dalgunos de los papeles más importantes de Patricia Hitchcock (nun son toos)
Añu Película Papel 1950 Stage Fright Chubby Banister 1950 The Mudlark Sirvienta ensin acreitar 1951 Strangers on a Train Barbara Morton 1955 Alfred Hitchcock Presents Diana Winthrop 1956 The Ten Commandments Dama de la corte ensin acreitar 1956 Alfred Hitchcock Presents Margaret 1956 Alfred Hitchcock Presents Ellie Marsh 1957 Alfred Hitchcock Presents Polly Stephens 1957 Alfred Hitchcock Presents Vendedora 1957 Alfred Hitchcock Presents Nancy Mason 1958 Alfred Hitchcock Presents Aileen 1959 Alfred Hitchcock Presents Pat 1960 Alfred Hitchcock Presents Dorothy 1960 Alfred Hitchcock Presents Rose 1960 Psycho Caroline 1978 Skateboard Mrs. Harris
Referencies
Enllaces esternos
Categoría:Persones de Londres Categoría:Actores y actrices de cine d'Inglaterra Categoría:Actores y actrices de teatru d'Inglaterra Categoría:Actores y actrices de televisión d'Inglaterra Categoría:Productores de cine del Reinu Xuníu Categoría:Productores d'Inglaterra