Les Brigaes de Ezzeldin Al-Qassam (n'árabe: كتائب الشهيد عز الدين القسام, Katāʾib al-shahīd ʿIzz al-Dīn al-Qassām) son el brazu armáu de la organización islamista palestina Hamás. Les Brigaes fueron creaes en 1992 so la direición de Yahya Ayyash coles mires de crear una estructura militar qu'ayudara a llograr los oxetivos de la organización islamista, y evitar la consecución de los Alcuerdos d'Oslu. Hasta 2004 llevaron a cabu numberosos atentaos suicides en territoriu israelín, causando centenares de muertos, la mayoría d'ellos civiles. Darréu modificaron la so estratexa d'ataques, abandonando los atentaos suicides pol llanzamientu de cohetes Qassam y de pieces de morteru dende la Franxa de Gaza contra'l sur d'Israel, que causaron hasta'l momentu decenes de muertos y daños de distinta considerancia en ciudaes israelines como Ascalón, Netivot y Asdod. Tamién siguieron los sos ataques contra les Fuercies de Defensa d'Israel, prindando a unu de los sos miembros en 2006. Tres l'entamu de la ofensiva israelín sobre Gaza de 2008-2009, les Brigaes empezaron a utilizar cohetes Grad y Katyusha, de mayor algame y poder destructivu que los Qassam.
Dende l'entamu de la Segunda Intifada, les Brigaes de Ezzeldin Al-Qassam convirtiéronse nún de los principales oxetivos d'Israel, qu'esanició a mamplén de los sos miembros por aciu asesinatos selectivos y otres operaciones en territoriu palestín, incluyendo a dellos de los sos líderes. Les Brigaes de Ezzeldin Al-Qassam fueron catalogaes como terroristes pola Xunión Europea,Eur-Lex Estaos Xuníos,Country Reports on Terrorism 2004 AustraliaAustralian National Security - Listing of Terrorist Organisations y el Reinu Xuníu.
El 31 de xineru de 2015 Tribunal de Cuestiones Urxentes d'El Cairu declarar illegal por ser una organización terrorista.Los tribunales exipcios ilegalizan al brazu armáu de Hamás, consideráu organización terrorista
Ver tamién Atentaos de les Brigaes de Ezzeldin Al-Qassam Hamás Qassam
Referencies
Categoría:Hamás Categoría:Terrorismu palestín