L'Aeropuertu Internacional de Beixín-Capital () ye'l principal aeropuertu internacional de la ciudá de Beixín, la capital de la República Popular China. El códigu IATA del aeropuertu ye PEK, que reflexa la romanización tradicional de la ciudá: Beixín. El códigu BJS ye tamién d'usu frecuente, de resultes de l'actual trescripción pinyin de la capital china, Beijing. Incluyendo tolos aeropuertos de la zona metropolitana de Beixín, anguaño Capital Beijing (PEK) ye l'únicu aeropuertu d'aviación civil que correspuende a BJS.
L'aeropuertu ye la base central d'Air China. Tres la so ampliación que foi concluyida'l 29 de febreru de 2008, convirtióse nel mayor aeropuertu del mundu debíu a la medría del so tráficu aereu provocáu pola cita olímpica qu'entamó China esi mesmu añu. Ye'l tercer aeropuertu con mayor tráficu nel mundu por detrás del Aeropuertu de Londres-Heathrow y l'Aeropuertu Internacional Hartsfield-Jackson.
Historia
L'Aeropuertu Internacional de Beixín foi inauguráu'l 21 de marzu de 1958, y foi'l primer aeropuertu de la República Popular China. Consistía nun pequeñu edificiu terminal, que sigue de pies hasta'l día de güei, al paecer pal usu de personalidaes y vuelos chárter. El 1 de xineru de 1980 foi inauguráu un edificiu de color verde más grande y modernu, con muelles pa 10 o 12 aviones. La terminal foi una de les mayores de la década de 1950, pero a mediaos de 1990 foi acorviáu pol aumentu de pasaxeros y púnxose a prueba la so capacidá. La terminal foi cerrada tres l'apertura d'una segunda terminal pa la so renovación. El 20 de setiembre de 2004 se reinauguró y yera utilizáu puramente por China Southern Airlines.
Pa conmemorar el 50º aniversariu de la fundación de la República Popular China a finales de 1999, l'aeropuertu foi ampliáu de nuevu. Esta nueva terminal inaugurada'l 1 de payares foi nomada Terminal 2. El 20 de setiembre de 2004, foi abierta la nueva Terminal 1 (que foi la terminal esclusiva de China Southern Airlines hasta 1999) a vuelos nacionales ya internacionales de Beixín. Otres compañíes aérees de vuelos nacionales ya internacionales inda operen na Terminal 2.
La más ambiciosa espansión del aeropuertu de Beixín inauguró'l 29 de febreru de 2008 por motivu de los Xuegos Olímpicos de Branu de 2008 na ciudá. El diseñu d'ésta tuvo a cargu del arquiteutu inglés Norman Foster y el so equipu de trabayu.
Estadístiques Movimientos 2008 2007 2006 2005 2004 2003 2002 2001 2000 Pasaxeros 55 938 136 53 611 747 48 748 298 41 004 008 34 883 190 24 355 940 27 159 665 24 176 495 21 691 077 Cargu (TM) 1 367 710 1 416 452 1 201 815 782 066 668 690 662 746 629 045 591 195 557 362 Estadístiques de la Alministración d'Aviación Civil ChinaCivil Aviation Administration of China|109 KiB, Alministración d'Aviación Civil China, 2008
Aereollinies y destinos Destinos nacionales
Destinos internacionales, Ḥong Kong, Macáu y Taiwán