L'añu 25 e.C. foi un añu normal entamáu en miércoles, xueves o vienres, o un añu bisiestu entamáu en miércoles o xueves nel calendariu xulianu.
Fechos
Cleopatra Selene II, fía de Cleopatra VII y Marcu Antoniu, casó con Xuba II. Augustu confió-yos el gobiernu del Reinu de Mauritania, nel norte d'África, onde gobernaron conxuntamente como monarques clientes de Roma. Xuba II dexó de reinar en Numidia y convirtióse en rei de Mauritania, territoriu que gobernó hasta l'añu 23. Nel marcu de les Guerres astur-cántabres, Augustu dirixó personalmente la campaña contra cántabros y astures, pero enfermó pola fatiga y la preocupación provocaes pola guerra y retiróse a Tarraco. Gayus Antistiu Vetu quedó al mandu de les operaciones y consiguió derrotar a los cántabros y ocupar delles posiciones.Dión Casio, Historia romana, LIII, 25, 5-8. Los astures prepararon un ataque coordináu contra los campamentos romanos asitiaos xunto al ríu Astura, pero los brigaecinos revelaron el plan a los romanos. Avisáu de la maniobra, Publiu Carisiu anticipóse al ataque y derrotó a les fuerces astures; posteriormente tomó Lancia, considerada una de les principales ciudaes fortificaes de los astures cismontanos.Floru, Epítome de la historia de Tito Livio, II, 33, 54-59.Dión Casio, Historia romana, LIII, 25, 7-8. Tres la campaña, Augustu llicenció a parte de los soldaos veteranos y permitió-yos fundar na Lusitania la colonia d'Augusta Emerita, actual Mérida, destinada al asentamientu de veteranos de les guerres del norte d'Hispania.Dión Casio, Historia romana, LIII, 26, 1. Amintas de Galacia, rei de Galacia, morrió nuna emboscada mientres combatía contra los homonadenses. Tres la so muerte, el so reinu foi incorporáu al territoriu controláu directamente por Roma como provincia de Galacia.Estrabón, Xeografía, XII, 6, 5. En China, durante'l reináu del emperador Cheng de Han, el gobiernu de la dinastía Han distribuyó ente los estados tributarios unos 20.000 rollos de tela de seda y una cantidá asemeyada de seda ensin texer. Augustu exerció'l consuláu per novena vegada, xunto con Marcu Juniu Silanu.Dión Casio, Historia romana, LIII, 25.
Nacencies
Aulu Corneliu Celsu (m. ca. 50) - enciclopedista romanu, autor de De Medicina, una de les principales obres médiques conservaes de l'Antigüedá.
Muertes
Amintas de Galacia - rei de Galacia ente los años 36 y 25 e.C.; morrió nuna emboscada mientres una campaña contra los homonadenses.Estrabón, Xeografía, XII, 6, 5.
Referencies
Enllaces esternos
Categoría:Sieglu I e.C.