Johannes Stark foi un físicu alemán, ganador del Premiu Nobel de Física de 1919 pol so descubrimientu del efeutu Stark.Más tarde tuvo bien arreyáu col movimientu Deutsche Physik sol réxime nazi.
Biografía Educóse na escuela elemental de Bayreuth y más palantre en Ratisbona. Darréu, en 1897 asistió a la Universidá de Múnich, onde estudió física, matemátiques, química y cristalografía, graduándose en 1897 con una disertación doctoral al respective de delles temes de la física d'Isaac Newton.
Ocupó delles posiciones nel Institutu de química de la Universidá de Múnich hasta 1900, cuando entró de llector na Universidá de Göttingen. Foi profesor de física nel Institutu Politéunicu d'Aquisgrán (1909-1917), na Universidá de Greifswald (1917-1920) y na Universidá de Wurzburgu (1920-1922).
Casóse con Luise Uepler, y tuvo cinco fíos.
Investigaciones científiques En 1919 foi gallardoniáu col premiu Nobel de Física polos sos descubrimientos del efeutu Doppler nos rayos canales y el desdoblamientu de les llinies espectrales cuando la lluz ta sometida a un campu llétricu intensu" (llamáu dende entós efeutu Stark).
Dende 1933, y hasta la so xubilación en 1939, foi presidente del Institutu Físicu y Téunicu del Reich y de l'Asociación Alemana d'Investigación.
Stark publicó más de 300 trabayos, fundamentalmente rellacionaos cola electricidá y campos análogos. Recibió numberosos premios, amás del premiu Nobel, como'l premiu Baumgartner de l'Academia de Ciencies de Viena (1910), el premiu Vahlbruch de l'Academia de Ciencies de Göttingen (1914), la medaya Matteucci de l'Academia de Roma.
Mientres el réxime nazi, intentó ser el Führer de la física alemana, al traviés del movimientu Deutsche Physik ("Física alemana", xunto con Philipp Lenard), en contra de la física xudía", representada por Albert Einstein y Werner Heisenberg. En 1947, tres la derrota alemana na segunda guerra mundial, Stark foi catalogáu como "criminal de primer orde" y foi condergáu a 4 años de cárcel por un tribunal de desnazificación.
Eponimia
El cráter llunar Stark lleva esti nome na so memoria.«Stark». Gazetteer of Planetary Nomenclature (en inglés). Flagstaff: USGS Astrogeology Research Program. OCLC 44396779.
Referencies
Enllaces esternos
Categoría:Físicos y físiques d'Alemaña Categoría:Medaya Matteucci Categoría:Premiu Nobel de Física Categoría:Premiu Nobel d'Alemaña